السلام عليكم ورحمة الله وبركاته
من المواضيع اللي سبق طرحتها بشكل مؤقت ولقيت اهتمام وتفاعل فيها هي عن شنطي اليوميه او اكثر الشنط اللي استخدمها بشكل متكرر 👏
حبيت افصلها بهالتدوينه و اكتب عنها بشكل اكبر ، كلهم لبستهم ما لايقل عن عشر مرات لكل شنطه ، يعني فعلياً كرفتهم 🌚
,
,
اول شنطه تكلمت عنها قبل بهالتدوينه >> هنا
حجمها وموديلها ونوعية جلدها تكككرف ، خامتها ممتازه من الداخل و الخارج
السير حقها سلسله و جهة الكتف يكون جلد عشان مايعور 💜
الاغراض اللي تكفيها
لونها ترابي وغمق شوي مع العبايه مع اني انظفها بإستمرار ، وحاليا عندي مشكله بسحابها مو راضي يتقفل
بس شهادة حق اني كرفتها بشكل مو طبيعي ولازلت و برجع اطلب منها لون ثاني
الشنطه الثانيه هي هالجميله ، خامتها مو قماش ولا جلد اتوقع تشبه السيلكون ، نوعيتها تكرررف وماتتوصخ ولاتتشرب السوائل ولايبين فيها شي ابد تحتاج بس تمسحينها بفوطه مبلله بمويه عشان نظافتها
حجمها صغير تكفي هالاغراض
ممكن البعض يضايقهم خامتها لانها قاسيه
الشي الوحيد فيها القفل شوي تغير لونه مع كثر الاستخدام بس بشكل عام حلوه
اخر شنطه كروس بودي وكتغيير عن الالوان المعتاده عندي هالشنطه الوانها اصفر وموف وذهبي، عن تجربه اكثر نوع احبه ف الشنط اليوميه هو هالجلد مايبين فيه الخدوش ويتحمل كثير ومايلقط لون العبايه وغير كذا شكله مايتغير او يبهت
موديلها حلو فيها سحابين بس من الداخل ماهي منفصله يعني السحابين يودونك ع نفس الشنطه حسيتها بتكون احلى لو كل جهه لوحدها
سيرها اللي جا معها العريض الذهبي نهائيا ماعجبني و ع طول استبدلته بسير شنطه ثانيه نفس الجلد
لها جيب خلفي ممكن تحطينه للبطاقات او الكاش
تدخل فيها هالاغراض بالراحه
من شنط اليد اللي استخدمتهم برضو هاذي ، موديلها جممميل وعملي وخامتها مره حلوه ويجي معاها سير طويل
تكفي اغراض كثير زي هنا
لها من تحت قواعد ذهبيه عشان تحافظ ع شكلها و ع العموم ماهي من النوع اللي يطيح لان جلدها واقف ماهو لين
يمكن البعض مايتقبل الستيكر اللي عليها عني انا عادي بس في اماكن رسميه ما اشيل هالشنطه فيها 😅
واخيراً بختم بهالمزيونه اكثر وحده ارشحها و احس موديلها وشكلها عملي و يفك ازمه كثييير ، موديلها مستوحى من شنط فيليب ليم 💜
جلدها لين شوي ، من الداخل تشيل كثثثير
برضو لها قواعد توقفها
تحتاج عنايه اكثر من اللي قبلهم لان جلدها حساس شوي بس فعليا هي اكثر شنطه ممكن تكون مناسبه لاغلب الاوقات
انتهت تدوينتي و اكيد انتظر تجاربكم مع الشنط
ان شاء الله لي عوده مع تدوينات من هالنوع ✨
كونو بالقرب 💜
ذوقك جميل ..حبيت الشنطة السليكونية
ردحذف