فتاة الميلاد في 2017 ~

السلام عليكم ورحمة الله وبركاته

قبل 8 ايام دخلنا بالسنه الجديده 2018 ، وبهذا اليوم 8 يناير 2018 كبرت سنه جديده من عمري 🎈

ماكنت ناويه اكتب تدوينه لهالسنه بس يوم فكرت فيها حسيتها اكثر سنه تستاهل ادون عنها، ومتأكده كل سنه بحسها تستاهل اكثر من اللي قبلها 💗

بداية 2017 بدوينتي هنا حطيت لي هدف اني اقرأ 12 كتاب بمعدل كتاب واحد كل شهر، والحمدلله التزمت فيه ونجحت بالتحدي، يمكن يكون بالنسبه للبعض شي عادي لكن بالنسبه لي شي كبير، اختياري لهذا الهدف له ابعاد ، لان مجرد ما دخلت القراءه بحياتي عرفت ان ورا هالهدف بتتحقق ثلاث اربع ويمكن خمس اهداف منه

مثال : ابغا اتعلم لغه معينه، ابغا اعرف عن حضاره معينه، ابغا اتثقف بمجال معين... هذا كله مفتاحه السحري بالنسبه لي القراءه ، بمجرد ما تكون شي اساسي بحياتك بتتوسعين بثقافتك لأشياء ماكنتي متوقعتها بتصيرين تقرأين كتب من اكثر من مجال وبأكثر من لغه بتتعلمين مصطلحات و اشياء ماكانت ببالك قبل بتتفتح عيونك ع اشياء ماكانت بحياتك ، ف حلو الواحد يكون ذكي بإختيار اهدافه 👍

قبل كم سنه كان هدفي اتعلم اللغه الانجليزيه للاسف ماتعلمتها ليومكم ذا مستواي ضعيف فيها، لكن تحدي القراءه حَسن من اللغه عندي رغم اني ماقرأت ولا كتاب بلغه غير العربيه لكن من الكتب اللي قرأتها تعلمت مصطلحات وصار عندي فضول اقرأ عن المصطلحات اكثر ف بحثت عنها ومنها لقيت اللغه الانجليزيه تدخل ببحثي عن هالاشياء 😄

سنة 2017 كانت اخر سنه لي بدراستي البكالوريوس في تخصص القانون ، هدفي الدراسي كان اني اتخرج بمعدل لايقل عن 4 ، صحيح لو كان معدلي نازل السنوات السابقه ماراح يرتفع بهالشكل بأخر سنه بس الحمدلله من اول سنه لي بالتخصص وانا احاول ارفعه وحطيت ببالي ما اتخرج بأقل من 4 و لله الحمد اكبر شي و اروع شي صار لي بهالسنه تخرجي من جامعة الملك عبدالعزيز تخصص القانون بمعدل 4.4

عالم التدوين مُتنفسي الرائع تطور ملحوظ فيه و الحمدلله راضيه كثير عن نفسي و عن اللي أقدمه و بإذن الله القادم اجمل 🌸

اهم و ابرز الاشياء اللي ساعدتني بإنجاز مهامي و ان كانت بسيطه هي الكتابه والتخطيط ، انصح اي وحده حرفيا اي وحده سواء كنتي طالبه ام موظفه او عزباء حتى و ان كنتي اكبر مهامك تنظيف البيت، دائما اكتبيها وحدديها لك بوقت معين، كنت اطبع مخطط شهري و اكتب فيه كل يوم ايش لازم اسوي حتى لو كان تكنيس وتمسيح اكتبها ونهاية اليوم اشيك اشوف ايش اللي سويته و اللي ماسويته ارجع اكتبه ف اليوم اللي بعده

حركة التخطيط كثير ساعدتني اوقات احس ماعندي شي اسويه بمجرد ما اني صرت اكتب و اسوي اللي اكتبه فرق معاي الموضوع كثير كثير وتنطم وقتي وصرت اضيف اشياء جديده اسويها و اتعلمها 🍃

نضجت , كبرت , تغيرت , صرت اكثر ثقه , اكثر مرونه , اكثر وعي ومستمره بالتطور والتغير للافضل ان شاء الله 

تطويري لذاتي اشتغلت عليه خصوصا اني تخرجت بشعبان ف فترة الاجازه كانت طويله جدا اخذت فيها دورات اون لاين متنوعه وحاولت اركز ع اشياء تفيدني بتخصصي ، بما اني في المملكه ف الاوضاع السنه هاذي فيها نقله وتغير كبير سواء للمواطن او المغترب الجانب السياسي فيني كان حاضر وبقوه بجزء كبير من وقتي ف تعمقت شوي ف السياسه الداخليه و الخارجيه * ان شاء الله خير * 🤓

2017 حققت فيها 90% من اهدافي المكتوبه اللي راح اشوف اثرها طول العمر معاي ان شاء الله  ، الـ10% الباقيه هاذي اهداف ماديه ماحققتها لنفسي وحالياً اشوفها شي ابدا ماهو مهم بس مايمنع احققها لو كنت متمسكه فيها

اهلا 2018 🎀

سنة خير ع الجميع بإذن الله ، مافي اهداف معينه كتبتها الى الان بس ناويه على اشياء معينه لكن الى الان ما كتبتها بالشكل اللي حابته ~

شكرا لكل اللي تعرفت عليهم بهالسنه سواء بلوقرز او متابعات او صديقات , شكرا لكل البراندات اللي تعاونت معاي بهالسنه ~

و اخيرا شكرا من القلب للقله القليل , لكل وحده وصلت لهالسطر من تدوينتي ولازالت تقرأ كلامي، ما اعرف لو هالتدوينه بتكون شي مفيد لك بس هي شي مني و لي و عني وحبيت اوثقها 💜

اتمنى لكم الخير ، وشكرا لكل الاشخاص اللطيفين بحياتي 💛

كل عام و نحن الى الله اقرب ✨