السلام عليكم ورحمة الله وبركاته
تدوينة اليوم راح تكون الجزء الاخير من تحدي الكتب لهالسنه
الكتب هالمره بالصدفه كلهم طلعو روايات , وبالصدفه بروايتين البطله فيها اسمها فاطمه *هههههه* الموضوع ابدا ماله دخل اني متحيزه ع الاسم , ع العموم كثير حبيتهم ويستاهلون الكل يقرأها كل روايه مميزه عن الثانيه ف بتعجب الاغلب وخصوصا محبين الروايات
نبدأ بملخص كل روايه
كتاب كبرت ونسيت ان انسى / للكاتبه بثينه العيسى
لغة الكتاب رائعه وراقيه ، عباره عن روايه عن بنت اسمها فاطمه تتكلم عن حياتها ، الكتاب يلامس كثير حقوق المرأه في مجتمعنا العربي وبالاخص الخليجي ، طريقة السرد تشوقك تقرين اكثر، الكتاب خلصته بساعتين فقط وتمنيت انه مايخلص
من اوائل الكتب اللي قرأتها لهالكاتبه و جد استهويتها وحبيتها كثير
كتاب مرسى فاطمه \ للكاتب حجي جابر
الكتاب عباره عن روايه عن بطلين يتكلم فيها البطل عن مغامراته ف البحث عن حبيبته في ارتيريا المعسكرات والتجنيد والمخيمات بعد ما اختفت فجأه عنه، الروايه فيها تفاصيل كثييييره ماهي مكرره ولا مستهلكه احداثها صح تدور حول البطلين بس مافيها العلاقه الهاديه الطبيعيه بين كل شخصين بالعكس كلها مغامرات والمميز فيها نهايتها ماهي محدده وكأنها حلم
رواية حديثك يشبهني
ابطالها شخصيتين ريم و ادم الفلسطيني كل واحد منهم لهم قصه بحياته بس الاجمل قصتهم وكيف التقو ببعض، كيف المغامرات اللي صارت معاهم
نوعا ما الروايه فيها حزن بس حبيتها وحبيت ان مالها نهايه او نهايتها مفتوحه...
البنات اللي جوهم الروايات راح يحبونها ، عني حبيت الكتاب واندمجت فيه لدرجه ماقدرت أأجله او اقسمه ع اوقات متفاوته عشان ما افقد الاحساس بالروايه ف خلصته بكم ساعه
*
*
*
وبكذا انتهت تدوينتي و انتهى تحدي القراءه لهالسنه بنجاح , اقدر اقول ان القراءه صارت جزء مني واضافت لي شي كبير بحياتي
يمكن افضل شي سويته والتزمت فيه ونجحت هي تحدي القراءه , اثرها بيكون على المدى البعيد في حياتي و فعلا القراءه عالم ممتع جدا 💜
اشوفكم بتلخيص لكتب قادمه
وشكرا ~
ليست هناك تعليقات:
إرسال تعليق