العلم لمن يريد !! ~ مجموعة تطبيقات ومواقع مفيده ♡

السلام عليكم ورحمة الله وبركاته 

تدوينة اليوم مختلفه شوي عن المعتاد .. نادرا اشوف تدوينات من هالنوع مع انها تجذبني وتفيدني جدا

من فوائد السوشال ميديا والاعلام الجديد والبرامج المتجدده كل يوم سهلت لنا حياتنا كثير كثير

حبيت استعرض لكم بعض البرامج والمواقع اللي ساعدتني ببعض الشغلات ~

بدايةً التطبيقات مجانيه ومتوفره على الاب ستور ومتجر قوقل بلاي 

*

*

*

اول تطبيق ( ختمه ) 

انا ضد اني احط جدول معين عشان اختم فيه القران بوقت محدد لاني انشغل متى اخلص الختمه وانسى الهدف الرئيسي تدبر الايات وهالامور بس هالبرناج عرفته برمضان الماضي جدا جميل ساعدني برمضان وكملت فيه لبعد رمضان 

فكرته تحددين الجزء اللي تبين تبدأين منه الختمه 

بعدها تحددين المده اللي تبين تختمين فيها القرآن + تحددين كمية الورد مثلا جزء جزئين .. الخ 

بعدها خلاص البرنامج يقسم لك ورد كل يوم ويعطيك تنبيه لجزئية كل يوم ممكن تقرأين من البرنامج او من المصحف بعدها تضغطين اتممت القراءه وينقلك للورد اللي بعده 

المميز فيه بالبرنامج فيه فاصل للصفحات تحطينه بالصفحه اللي وصلتي لها 

فيه منبه يومي 

فيه السنن الاسبوعيه سورة الكهف 

للامانه فادني اكثر بعد رمضان لاني انسى اقرأ ولو آيه باليوم ف هالبرنامج ساعدني كثير كثير وبجد انصح فيه كل شخص 

على الاندرويد 

https://play.google.com/store/apps/details?id=com.khatmah.android

الأب ستور 

https://itunes.apple.com/sa/app/khatmah-khtmt/id543090051?mt=8

*

*

*

تطبيق (اتجاه القبله)

احس مهم هالبرنامج يكون بكل جوال وخصوصا للناس اللي يطلعون كثير يساعدكم بتحديد القبله اعتمادا على الـ GPS 

جدا بسيط بس حمليه و افتحيه استنى شوي على ما يحدد موقعك وبيوجهك للقبله 

الحلو فيه يشتغل بدون نت 

على الاندرويد 

https://play.google.com/store/apps/details?id=com.planetapps.acompass

*

*

*

*

التطبيق الثالث ( دوولينجو) 

بدون مبالغه كل شخص ببيتنا موجود بجهازه هالتطبيق انطلاقا مني الى اصغر عمر 4 سنوات ههههههه

مره مفيد وممتع وسهل ولاشعوريا تحسين نفسك صار عندك كلمات جديده تعلمتيها 

 اذا كنتي حابه تتعلمين انجليزي لك او لاطفالك بس ماعندك اراده قويه ماعندك حق المعهد او اياً كان هالتطبيق جدا بيساعدك 

جربيه اسبوع وشوفي الفرق حلو فيه اساسيات ومراحل تحمسك للمرحله اللي بعدها 

والحلو اكثر فيه اكثر من لغه مو بس انقلش فرنسي تركي اسباني كثير لغات 

على الاندرويد 

https://play.google.com/store/apps/details?id=com.duolingo

و الاب ستور 

https://itunes.apple.com/us/app/duolingo-learn-languages-for/id570060128?mt=8

*

*

*

موقع بسيط لتعلم اللغه الانجليزيه واللغات الاخرى 

موقع مبسط جدا بس ممكن يفيد البعض وفيه اكثر من لغه تصفحته كم يوم وحبيته 

هنا رابطه >> http://ilanguages.org/ar/english.php

*

*

*

اخيرا شي حبيت احكي فيه بعدين بس ماحبيت اني أاجله كثير لان متأكده كثير بنات بيشغل فراغهم بيطورهم ويضيف لهم معلومات جديده وومكن تفيدك بالسيره الذاتيه تبعك  .. ومن الممكن اذا عندك شهاده وعلم تنضمين لهم ك شريك اكاديمي وتقدمين محاضرات ~

منصتين تعليميه مجانيه على النت ويقدمون لك شهاده اذا كملتي الماده معاهم يرسلونها لك ع الايميل

الاولى منصة (رواق) .. لهم عدة شركاء رسميين وهنا موقعهم >>> رواق

والثانيه منصة (ادراك) حبيت شعارهم (العلم لمن يريد )♡♡ .. شهاداتهم مقدمه  من مؤسسة الملكه رانيا للتعليم والتنميه وهنا موقعهم >>> ادراك 

ماتتطلب منك اي شي مجرد ايميل وسجلي بموقعهم وتصفحي موادهم و اي ماده تعجبك سجلي فيها 

صار لي حدود سنتين اخذت من موقع رواق شهادتين بمادتين 

ومن موقع ادراك شهاده 

عارفه مو كثير المواد اللي سجلت فيها بس لان وقتها يكون بوقت دراستي بس حلو طلعت بثلاث دورات من عندهم 

*

*

*

انتهت تدوينتي لليوم اعطوني رأيكم فيها وطبعا اتمنى استفدتو منها .. واكيد يسعدني تشاركوني بالتعليقات لو في مواقع او تطبيقات فادتكم 

اشوفكم بتدوينه ثانيه ~ وشكرا