الطين الهندي & الطين المغربي الاحمر .. تجربتي معهم ~

السلام عليكم ورحمة الله وبركاته ..

من المنتجات اللي اكتسحت ساحة الانستقرام واللي اشتهرت بالفتره الاخيره >> حسيت متعوب على المقدمه

الطين المغربي والطين الهندي تترارارا

         اثنينهم عباره عن بودره تخلطينها مع موية ورد زبادي خل تفاح ..الخ 

وبرضو اثنينهم يستخدمون للجسم مو بس الوجه 

.

.

.

.

الطين الهندي 

من اروع الماسكات اللي جربتها للبشرتي ولجسمي ..

خصوصا لو استخدمته مع خل التفاح صحيح ريحته خايسه بس اللي يشفع له ينظف من قلب خصوصا الاماكن اللي تدهن & الحبوب اللي تسوي لك مفاجئه وتطلع بأوقات غلط ينشفها وتصغر شوي 

ايضا من الاستخدام المتكرر بعتبر معالج لاثار الحبوب وصور النت مليانه لناس قبل وبعد 

بالنسبه لي استخدمه مع خل التفاح + موية الورد + الزبادي + الطين المغربي , وا ي خلطه استخدمها لبشرتي اضيف لها الطين الهندي 

استخدمه حسب المزاج مره مرتين ثلاث بالاسبوع بس طبعا مو للاستخدام اليومي احس بيكون قوي ع البشره .. مدة الاستخدام مو اقل من ربع ساعه

* للبنات اللي بشرتهم حساسه اتوقع بيكون قوي عليهم خل التفاح ف اضيفي معاه مويه ورد ونقطتين خل 

ومعلومه اخيره اذا جيتي تخلطينه حطي كميه صغيره مره واستخدمي وعاء وملعقه خشب او زجاج لان الطين والخل يتفاعل مع الحديد والبلاستك 

علبته مره مره مره كبيره تكفيك سنه سنتين ثلاث وسعره ممتاز مايزيد عن 30 ريال موجود ب ايهيرب

.

.

.

.

الطين المغربي 

نفس الفكره باودر تخلطينه مع زبادي موية ورد يوعد بتصغير المسام 

بدأت استخدمه قبل الطين الهندي بفتره طويله وذكرت استخدامي له بالانستقرام و انه ابد ماعجبني

لازلت عند رأيي انا بشرتي ما اعاني من مسام ف ما احتاج تصغير المسام 

ما احس معاه بنظافه او اي شي ثاني يمكن الشي الوحيد اللي لاحظته بعد كم استخدام يشد البشره 

بس هذا الشي اللي حسيته معه ف صرت استخدمه مع الطين الهندي وبعض الخلطات << عشان يخلص بس لانه طايح بكبدي هههههه

في بنات حبوه وفرق معاهم ف يختلف حسب البشره 

حجمه كويس بس اصغر من الطين الهندي وسعره برضو بحدود 23 ريال من ايهيرب

انتهت تدوينتي لليوم عن هالمنتجين 

شاركوني بتعليقاتكم وتجاربكم معاها تحت 

وشكرا ~