افضل 3 ادوات منزليه ~ best 3 tools for the home ♡

السلام عليكم ورحمة الله وبركاته 

تدوينة اليوم للسنعات فقط *خخخخخ ♥

بحكم خبرتي البسيطه بالكرف و ادوات البيت بستعرض لكم ثلاث ادوات منزليه شخصيا حبيتها جدا جميله وعمليه وتوفر عليك جهد غير كذا اسعارها ر خ ي ص ه ..

اول شي ببدأ بممسحة الارض ~

على كثر تجاربنا وكثرة الادوات التقليديه بتمسيح الارض منشفه مويه بسطل والممسحه بيدك و و و الخ .. زي هاذي ماراح تلاقين .. ليش ؟؟ 

لان فكرتها كل شي ببعض فيها علبه تعبينها بالسائل اللي تحبين تمسحين فيه سواء كان ديتول او اي مطهر تركبين العلبه مكانها ولها مكبس من مسكة اليد هنا

تضغطين عليه ويرش لك ع الارض وتمسحين وهكذا 

الحلو فيها القطعه اللي تحت يجي معها غيار وغير كذا سهل جدا تفكينها وتغسلينها وترجعينها مكانها & علبة السائل ممكن تطول معك اسبوع على ماتخلص >> حسب مساحة بيتك ومرات استخدامك لها 

طيب وين ممكن تلاقينها كثير شركات منزله نفس الفكره انا شفت كارفور منزلين وحده خاصه فيهم بس مادري عن جودتها

اللي بالصوره موجوده بالدانوب وسعرها 60 ريال فقط 

*

*

*

المنتج الثاني .. اسفنجة تنظيف 

حبيت هالنوعيه لان لها وجهين وجه ناعم والثاني خشن خشونه تنظف موب الخشونه اللي تخدش او تخلي لك اثر ع المواعين 

الشي الثاني عمرها اطول من عمر الاسفنج العادي يعني ممكن تبقى معك الاسفنجه ثلاث شهور بعدها تتلف بعكس الاسفنج التقليدي يحتاج تغيير كل شهر 

اخير اخر شي هالاسفنج تجيك 3 حبات ب 5 ريال من ايكيا 

*

*

*

المنتج الاخير .. علب للبهارات 

ميزة هالعلب حجمها مناسب اذا حابه تحطينها فوق طاولة المطبخ الشي الثاني لها مسكة يد والشي الجميل ملعقتها فيها زي ما انتو شايفين لها مغناطيس 

استخدام هالعلب للسكر وورق الشاهي ~

سعر الوحده 10 ريال فقط 

تلاقونها بمحل ظل التوفير - جده تلاقونه جنب فاين لوك و قدام الهرم اللي بحي الرحاب 

انتهت تدوينتي لو عجبتكم وحابين اكررها كل فتره .. او جربتو منتجات حبيتوها اكتبو لي تحت بالتعليقات 

وشكرا ~♥