السلام عليكم ورحمة الله وبركاته
مساء الخير .. اخباركم مع البرد
من ثلاث شهور عندي تان سولتان نوعين اسبري (بخاخ) والثاني رغوه
طريقتي :
قبلها بيوم سويت تقشير لجسمي وطبعا ازلت كل الشعر >> عشان
ماتواجهني مشاكل معاه مايبقع او يكون اللون بجهه
,, ومن ثاني يوم سويت التان
بشرتي قبل التان :
طبعا هولت بعمري استخدمت البخاخ ع يدي اليسار والرغوه ع يدي اليمين
وزعتها بيدي لان ماعندي قلفز التان
هنا البخاخ
هنا الرغوه >> ترا حجمها يتضاعف اول ماتحطينها ف حطي شوي ووزعي
بعدها حطي لو احتجتي
لون بشرتي بعد التان :
* اثنينهم ريحتهم حنا
او زي الميرندا >> ماحبيتها مززعجه هالريحه
* لازم تخلينهم 3-4
ساعات بعدين تغسلينه
* بالنسبه للون البخاخ
لونه شوي ع اصفر ماعجبني بس الرغوه لونها ع بينك تقريبا حسيتها اهون
* اثنينهم حطيتهم مرتين
(طبقتين ) وزعت كويس المره الأولى واستنيت دقايق بعدها حطيت مره ثانيه وطبعا الركب
والاكواع ما حطيت عليهم حتى وجهي ابد ماحطيت
* حسيتهم يدبقون ع
الجسم يعني يلصقون >> كان مزعج هالاحساس بالنسبه لي
* ممكن يبقع ع ملابسك
اول م تستخدمينه لو كانت فاتحه
* زي ماقلت مره مهم
تحطينه ع بشره نظيفه سواء من القشور الجلد الميت الشعر ...الخ
بعد مانشف خليته تقريبا 4 ساعات بعدها
غسلته بمويه عادي وحطيت لوشن الجسم ونمت
بالنسبه للون درجة اللون اغمق مني بدرجتين او ثلاث .. والريحه تقريبا جلست يومين ..
لاحظته من ثاني يوم بدا يروح اللون من عند
اصابعي واطراف يدي >> بسبب الغسيل وهالاشياء>> بأول صوره واضح هالشي
رابع او خامس يوم جدا كان المنظر سيء
ومقرفني خصوصا بيدي اصابعي فاتحه والباقي غامق ف سويت تقشير للجسم بالسكر والزيت
زيتون وطلع اللون
بشكل عام ماحبيته ولو خلص مابرجع اشتريه
ماعجبني لونه ع جسمي بس ممكن ادور تان ثاني
تان سولتان – صيدلية بوتس سعر البخاخ 50
والرغوه 60 ريال
اغلب عروضهم تشترين واحد والثاني مجانا
انتهت تدوينتي لليوم اكتبو لي تجاربكم مع
التان تحت ووش افضل نوع استخدمتوه
وشكرا ~
ليست هناك تعليقات:
إرسال تعليق