السلام عليكم ورحمة الله وبركاته
سنه خلصت وبدات سنه جديده والايام ياسرعها ..
التدوينه ببالي شي وصارت شي للاسف وماقدر ااخرها اكثر من كذا ** ( التدوينه شخصيه ) >> للي ماتحب تقرا هالنوع من التدوينات
احداث تغيرات اساليب كثيره متعبه اواجهها كثير يمكن التعب النفسي والتفكير المستمر وترتيب الافكار اخذ الجزء الكبير من طاقتي بس ( تعب حلو )
ولاني كثير كثير كثير انسى بحاول اتذكر اهم الاحداث >> بالاستعانه بالصور
بداية 2015 الى الان اذكرها وكانها قبل شهر
ببالي حطيت اهداف عشان اوصل لها وعشان ما اكون كذابه شهر
شهرين بالكثير وطارت هالافكار .. ليه ! لاني ما اخذت الموضوع بشكل جدي ما اهتميت كثير لاني وبكل بساطه لو ابيه كان نفذته لاني لو حابه الشي فعليا >> 80% ع الاقل اوصل له ♥
علاقتي مع السناب والانستقرام ♥
الانستقرام هو بداياتي نقطة انطلاقي .. كان عندي اكاونت شخصي في بداية الانستقرام بس ماحبيت فكرة انزل صور عاديه .. ماعجبني الوضع اكاونتي يكون مافيه فايده ف منها قررت ابدأ الريفيوهات وبمده جدا قصيره فتحت المدونه
السناب .. مو اكثر من 6 شهور اعطيت السناب اهميه وصرت اسولف مع البنات بمواضيع بسيطه اشاركهم بيومياتي .. علاقه كانت جدا رائعه بس قطعتها وانا حابتها للاسف لعدة اسباب ~ حسيت يحتاج اعادة نظر بالنسبه لي في بعض الامور ..
صار ياخذ مني وقت كثير كثير بمتابعة السنابات وتسجيل سنابات والرد على البنات بكذا راح يومي
غير كذا وبكل صراحه استخسر فيه اخصص وقت او جهد له لانه ماله ارشيف مجرد 24 ساعه وراح المجهود
دراستي ♥♥
بدات اتعمق بتخصصي ( القانون ) حبيته كثير اكتشفت فيه اشياء ممتعه .. الحلو فيه يحتاج جهد منك تثقفين نفسك من جميع النواحي وبجميع التخصصات .. قررت فعليا اشد حيلي وارفع معدلي و لله الحمد حاليا اكتب لكم بعد ماشيكت ع معدلي للترم الاول ارتفع بشكل ممتاز
(انا) ~ ♥
احب شخصيتي جدا الا بعض الاشياء البسيطه اللي تحتاج تغيير .. جديا انا محظوظه بشخصيتي وفخوره بنفسي و احب فيني ( السلام الداخلي ) اللي الاغلب يفتقده .. واحب فيني ما اعتمد على احد ما اتعلق بأحد بسهوله مسالمه جدا عندي ايمان تام اللي اسويه لي انا وعشاني انا حرفيا مستقره بذاتي منشغله بنفسي وااشتغل عليها ..
من اسعد الايام اللي صارت هالسنه ملكة اعز اعز صديقاتي (ريبا) فعليا اختي احسها جزء مني اكثر من كونها صديقتي .. احساسي بيوم ملكتها والتحضيرات والمواقف اللي صارت كانت من اجمل اللحظات ~ اتمنى لها التوفيق والسعاده يارب ♥
تغيير المكان اللي اعيش فيه ♥
من بعد العيد او بالاصح بشعبان كان لحظة انقطاعي عن السناب كنت فقط اوثق بعض اللقطات من يومي اللي تكون عباره عن اغراض وكراتين متكاومه بسبب انشغالي بنقل لبيت ثاني مرحله متعبه صحيح كوني جربتها 3 مرات بس كل مره لها حلاوتها وتعبها ..
حبي وشغفي للديكور رجع لي مع هالنقل بالذات مرحلة التأثيث للحين مخططه لها وكوني الاخت الكبيره ف بيكون لي تأثير قوي *لوووول*
♥ مدونتي ♥
هي عالمي الخاص نشاطي فيها هالسنه جدا جميل حسيت فعليا باللي اسويه جدا استمتع وانا ادون ... وصلت للاكتفاء الذاتي باللي اسويه ما انتظر مردود لهالشي .. حبيت التغيرات او التطورات بالتدوينات .. بالذات بالتصوير حسيت بدا يتحسن عندي ويمكن البعض لاحظ واطمح للافضل طبعا ~
تدويناتي بالبدايات اشوفها واضحك على نفسي مادري حسيت ببراءه او يمكن تذكرت حماسي لها وقد ايش ابذل مجهود عليها في نقاط ماحبيتها بس بخليها للذكرى لاني جالسه اشوف نفسي كيف تغيرت فعليا
2016
ماراح أقول بكتب اهداف وخطط واماني ليش ~ عندي يقين تام كل اللي بحطه
ماراح يتغير وراح يبقا ثابت لبكره وبعده والسنه الجايه واللي بعدها اذا انا نفسي
ماتحركت ونفذت
السنوات مجرد ارقام صحيح
نحتفل نتفائل نهني بعض .. كلنا وانا اولكم اقدر اكتب لسته فيها اهداف واسميها
اهداف 2016 .. واحط يدي ع خدي وما اسوي شي !! طيب واللي كتبت منو بينفذها ؟
كثرة الرغبات تلخبط وتضيع ف حلو التدريج بالامور بكتفي بهدف واحد وهو موجود بالاساس بس بحاول اركز عليه بدون تشتت لو نفذته وتمكنت منه جدا راح اكون سعيده بيساعدني ويغير كثير اشياء بحياتي بس لو مااتقنته بالشكل اللي ببالي (مومشكله) بكون تعلمت شي بسيط لان بالاساس اشتغل عليه انا من قبل ف عاجلا ام آجلا بيتحقق بإذن الله
انتهت تدوينتي .. شاركوني بتعليقاتكم تحت ~
اتمنى لكم الخير .. احبكم ♥
بالزبط زي ماقلتي ؛ حلوه طريقة تحديد أهداف بسييطه معينه عشان تقدري تحققيها!💜
ردحذفوبالتوفيق في تخصصك 👏🏻 وســنه سعييده :)
حبيبتي اسعدني تعليقك .. اجمعين يارب ♥♥
حذفانتي ملهمه ماشاءالله وممممم وكنت اتابعك من أول ما فتحتي حسابك بالانستا وبعدها السناب والتدوين واليوتيوب .. وعفويتك تشد الواحد لك غصب .. وتصويرك ماشاءالله جدا تحسن بدرجات فين تعلمتي التصوير بأخد منك دورة شكلي ماشاءالله عليك 😊😊😆 .. أتمنى لك سنة جميلة مليئة بالإنجازات والإبداع والاجتهاد ... 🌹🌹🌹💕
ردحذفحبيبة قلبي تسلمين ياعمري بجد اسعدني كلامك
حذفبس للاسف ماعندي يوتيوب >> بس لا مانع من اني اسويه مستقبلا ههههه
بالنسبه للتصوير تكنيكات بسيطه ركزت عليها >> بالذات اضاءة الشمس شي راااائع >> ولازلت مو راضيه عن تصويري تماما
اتمنى لك التوفيق والسعاده ♥♥♥♥
ايوا صح تلخبطت على وحدة قريب لحسابك باليوتيوب ... يلا فال خير ان شاءالله لك تفتحي حساب باليوتيوب راح يكون شي جميل ومتأكدة بإذن الله لأنك ملهمه ماشاءالله 👍👍🌹💕
ردحذفيسعدك يارب
حذفتدوينة جميله ..
ردحذفاتمنى السنة الجاية تكون اجمل وتحققين فيها نجاحات اكثر ♥
حبيبتي شكرا لك ♥♥
حذفحبيت
ردحذفممكن تحطين لنا تدوينة لبيتكم
بعد ماتخلصونه واختياراتك :)
سنة مليانة انجازات ان شاء الله
ان شاء الله .. نورتيني ♥
حذف