السلام عليكم ورحمة الله وبركاته
اشتقت للتدوين كثير وما حبيت ارجع الا بتدوينة مميزه وبترضيكم 💛
متحمسه جدا لردود أفعالكم حولها خصوصا اني شاركتكم بستوري الانستا جزء من الشغل عليها 🙇🏼 اخذت مني اسبوع تصوير 👏🏼
محتوى رمضان هالسنه حبيته يكون شي مفيد وتقريبا كل سنه بتكون مرجع لكم انا حابته و انتو اكيد بتحبونه
أزياء رمضان غالباً تحتارين انا وش ممكن ألبس لو عندك غبقه او عزيمة فطور، دايما مرتبطه ازياء هالشهر بأقمشه مشهوره وطبعات تستخدم بكل مكان ملابس وديكور وزينه 🌚 شخصياً مو جوي هالستايلات احب احافظ ع ذوقي واضيف لمسه ع اللوك تعطيه طابع مناسب، وغير كذا فكرة الاستدامة هي الأساس عندي بكل شي لازم تكون القطعه مناسبه لأغلب الاوقات مو بس مناسبه محدده او شهر معين وخلاص ماقدر استهلكها الا بهالحدود
هالتدوينه مو الاولى بنوعها انا قد سبق وسويت تنسيقات رمضانيه قبل كم سنه تلاقون التدوينه 👈🏻 هنا
لكن المميز بهالتدوينه شلون ممكن ترتبين وتنسقين ملابسك طوال هالشهر، كبسولة الملابس هي مصطلح موجود زمان بعالم الأزياء وكثير براندات طبقتها بمفهوم تجاري و سوت كبسولات تعاون مع مصممين وحاليا او من فتره طويله شوي بدأ ينتشر مفهوم الكبسوله عندنا وخصوصا عند المينيمالزم كأسلوب حياه، بصراحه انصح تقرأون عنه وتبحثون اكثر لانه فعلا متشعب وواسع لكن شي حلو لو وظفتيه بحياتك بما يناسبك 👍🏻 احنا هنا بنطبقها بشكل خاص فكرتها تقتصر ع عدد معين من الملابس تقدرين تدمجينهم سوا بحيث تستهلكين كل الموجود داخل الكبسوله لأكثر وقت او ستايل ممكن وغالبا ممنوع تستخدمين قطع خارجها، اصلا اذا رتبتيها بطريقه صحيحه ماراح تضطرين تلجأين لغيرها
انا سويتها بشكل مناسب لي بهالتدوينه ماراح تكون كبسولتي لان ما احتاجها حاليا وبالاساس طريقة ترتيب دولابي مساعدتني كثير بحيث كل شي واضح لي لكن طبقتها لاني حابه هالمفهوم وحبيت انقله لكم وحسيت هذا وقته ممكن تجربينه وتستمرين عليه لباقي حياتك، موب شرط تلتزمين بالنظام بالحرف الواحد خذي اللي يناسبك منه، ليه حبيت اطبق واتكلم عن فكرة الكبسوله لانها شي بيساعدك كثير بإختصار الوقت و اتخاذ القرار حتى لو كان بلبس وبيوفر عليك انك تشترين شي اضافي ، ليه اخترتها تكون برمضان؟ لانه شهر مميز غالباً *حسب ظروفك* تكثر التجمعات فيه بين الاهل، الجيران، الصديقات، او حتى لنفسك بالبيت تحبين تلبسين شي حلو مناسب لهالايام الحلوه 💛
شلون نسوي الكبسولة؟
الموضوع بياخد منك ساعتين ثلاث كأقصى حد لكن بالمقابل انتي تجهزين لبس لمناسبات شهر كامل
قبل ما ابدأ نستثني من داخل الكبسوله ملابس الرياضه و الملابس الداخلية و ملابس النوم
اول شي خصصي جزء من دولابك او ستاند ملابسك زي ماسويت، طلعي كل القطع اللي تحبينها وترتاحين فيها، كل القطع اللي تحسينها مناسبه لهالشهر، حاولي تحددين او تتوقعين كم عزومه كبيره ممكن تصير و جهزي لها لبس، خصصي بعد ملابس مرتبه لك بالبيت او لزيارات بسيطه
حاولي تضيفين قطع تقدرين تلبسينها اكثر من مره مثلا بلوزه مره مع بنطلون مره مع تنوره مره فوقها سكارف وهكذا ، الاكسسوارات هي اكثر شي ممكن اقولك العبي فيه انا كذا اسوي الكماليات هي اللي اعتمد عليها الجزم والشنط والاحزمه والسكارفات كلها اشياء بتغير اللوك مليون درجه 👌🏼 بتشوفونها بتنسيقاتي وبتلاحظون القطع جدا عاديه و الوانها محايدة بس الاضافات هي اللي اعطت فرق و لبستها مع اكثر من لوك
اول قطعه جلابية اخذتها من دولاب امي 👀
ستايلها حلو ومناسبه جدا لرمضان
اضفت عليها حزام بيكون مخفي بس حبيت انه يلمها ع الجسم ويحدد منطقة الخصر
الصندل اخترته اخضر بكريستلات و الشنطه كحليه جميله ومتناسقه معه , الاكسسوار اكتفيت بحلق احمر وغالبا اليد تكون خواتم ومناكير
الجلابيه من محلات الجلابيات ببرج الساعه بمكه تلاقونها قدام ستاربكس
الصندل جولي شيك
الشنطه شي ان كود الخصم fm15 وهذا رابطها : هنا
ثاني لوك
فستان اوف وايت بسيط موديله جدا لبست عليه هالفستان المفتوح فيه نقوش بسيطه ودانتيل اعطى طابع رمضاني حلو
قفلت ياقة الفستان من فوق بحيث تكون بارزه ومعطيه شكل حلو مع البيج
الاكسسوارات اعتمدتها بنفس اللون واضفت كعب وحلق كبير بنفس اللون
الفستان الداخلي شي ان كود الخصم fm15 هذا رابطه : هنا الفستان العلوي قديم اخذته من سنتر بوينت
الشوز و الشنطه جولي شيك
الفستان الثالث
خامته كتان وشوي واقف , رقيق و انثوي باللبس وتقدرين تلعبين بالاكسسوارات معه
عني انا طقمت كلتش اسود بتطريز يدوي , اذكر اخذتها من البسطات اللي عند الحرم بمكه ب10 ريال ووحده صغيره ب 3 ريال بتشوفونها بالتنسيق تحت 💓
الشي الثاني اللي اضفته سكارف حرير لونه سماوي حلو ارميه ع جهه وحده وومكن اثبته ببروش او حزام
الصندل اخترته ذهبي اخذته من شي ان كود الخصم fm15 : هنا الفستان من الهرم كان عليه تخفيض ب30 ريال
اخر فستان و أجملهم 💛
يمكن موديله جاي ع جلابيه اكثر , خامته ساتان وكله طقطق مخفي من قدام يكون قصير شوي من قدام
مره جميل و درجة اللون حلوه مره
الصندل اخترته ذهبي معه لان فيه حركه بسيطه من البطن فيها ازرار ذهبيه و اشوف الذهبي البق على هالدرجه من البني
الفستان اخذته من شي ان بالتخفيضات كان بالثلاثين سعره , كود الخصم fm15 : هنا
هالجمال كله اضفته بالكبسوله بحيث لو صارت مناسبه كبيره شوي البسه ولا بالاساس ناويته للعيد ان شاء الله , حتى باقي القطع برجع البسهم بالعيد
الفستان من براند هندي خامته قطن ومعاه حزام من نفس القماش , هالتنسيق مره احبه لان القطع اللي فيه كلها قريبه لقلبي واحس شخصيتي فيها و ألواني المفضلة
اخذته من شوب بوب بالتخفيضات قبل كم شهر كان ب950 وصار 199 ريال : هنا الشنطه من ريبيكا ميكنوف بعد من شوب بوب : هنا
جمبسوت اخضر طوله ميدي و واسع شوي , قصته من فوق كروب توب والحزام منه وفيه ينلف حول الخصر
اضفت معه سكارف بجهه وحده ودخلته داخل الحزام
الشنطه خليتها بيج و الصندل ابيض بتفاصيل ذهبيه بسيطه
الجمبسوت قديم مره من جولي شي
الشوز من موقع ايليبلز
الشنطه شي ان كود الخصم fm15 : هنا
الجينز 💙
من اهم القطع اللي لازم تكون بالكبسوله خصوصا لو موديله حلو , هذا مام جينز هاي ويست من احلى الجينزات اللي اخذتها مؤخرا
شكله باللبس جمييل ومريح , اضفت عليه من فوق بلوزه دانتيل اوف شولدر والحركه البسيطه ع الخصر اخذت قطعه عباره عن سكارف صغير بقماش شعبي ربطتها ع الخصر ومره اضافت للبس كثير برغم بساطتها
الصندل ذهبي لان الوان اللبس حياديه جدا ف الحركه كانت في السكارف ولون الصندل
البلوزه من الهرم جدا جدا قديمه
باقي التفاصيل من شي ان كود الخصم fm15
البنطلون مره انصح فيه بس خذو اصغر من قياسكم لانه واسع : هنا
الواني المفضله جمعتها لكم بتنسيق 💛
البنطلون خامته حلوه وشكله ع الجسم مره جميل , لبست عليه بلوزه شيفون الموديل بأكمامها و اضفت حزام اسود
الشنطه كانت جدا مناسبه معه ونسقت صندل مره جميل لونه بيج
كل التفاصيل من شي ان ماعدا الشنطه , كود الخصم Fm15 :
الحزام بس تراه وسييع يحتاج تصغير : هنا
نجي لاخر تنسيقين ماخذين قلبي 💓
بنطلون لف جاي كأنه تنوره , قطعه تجنن بشكل مو طبيعي طوله ميدي وخامته قطن ع لينن مره مره جمييل , ومعه حزام بنفس القماش, البلوزه اخترت توب احمر شيفون
لبست صندل يدوي معي من زمان مره مره مره
واضفت اكسسوارات ذهبيه بسيطه
التوب و الحلق من جولي شيك زمان ماخذتهم
البنطلون الجميل من شي ان كود الخصم fm15 , اذا توفر ع طول اطلبوه بسرعه يخلص : هنا
اخر تنسيق
نفس البنطلون اضفت معه تيشيرت ابيض و لبست اكسسوارات خيوط و خرز
الشنطه اللطيفه اللي قلت لكم عليها فوق ب3 ريال , والصندل بيج عريض
الاسواره الكف اخذتها من شوب بوب : هنا باقي اللبس كله من شي ان كود الخصم fm15 :
اخيرا عندكم حساب سورتد ع الانستا مره بيفيدكم بخصوص ترتيب الكبسوله و اشياء اخرى Sorted
بكذا انتهت تدوينتي اتمنى استمتعتو فيها و يهمني كثير تشاركوني تعليقاتكم
اشوفكم ع خير
سلام ~
واااااااو
ردحذففطوم ابدعتى
ذوق راقى كالعادة موب قادرة اختار تنسيق مفضل كلها احلى من بعض و لمستك جدا جدا مميزة
كل عام وانت بخير ��
الله يبلغنا رمضان و اياكم على خير يا رب
حبيبتي مي 💛
حذفاسعدني تعليقك شكرا لك، وكل عام وانتي واحبابك بخير 💛💛
مبروك عليك الشهر مقدمًا حبيتي 🥰
ردحذفواستمتعت كثير في التدوينه 😍
وساعدتيني في كذا تنسيق 😘😘😘😘😘😘😘
مشكوره من القلب
الله يسعد قلبك
حذفممتنه لتعليقك 💛
فطوم ابغى اتواصل معك ضروري إذا ممكن وشلون؟
ردحذفحياك الله وصلني بريدك 💛
حذف