البليزر للشتاء | Winter Blazer 2020

السلام عليكم ورحمة الله وبركاته

هالسنه بكرت في تنسيقات الشتاء عشان يمديكم تاخذون افكار وتجهزون بنوفمبر ✨

القطعه اللي بنستثمرها هالشتاء و يمكن عند اغلب البنات هي البليزر (الجاكيت الرسمي)

ليه الجاكيت الرسمي؟ ليه ما اخترت قطعه جديده او دارجه هالموسم!!

شخصياً اشوف الجاكيت الرسمي قطعه استثماريه و مهمه جداً، وموجوده طوال الموسم صيف شتاء تلاقينها وتنلبس بأغلب المناسبات وماتقدم وانا من الناس اللي احب احلل لبسي ف مهتمه بإستثمار كل قطعه اقتنيها & مو كثير احب اواكب الدارج ولا استنى الكولكشنات عشان اقتني شي منها، غالباً احاكيها بقطع سابقه من دولابي و زي مانعرف الموضه تعيد نفسها 👌

طبعا بنلاقيه بأكثر من قصه وموديل و خامات و ألوان متجدد دائما 🌸

قررت اخذه بلون حيادي وهو لوني المفضل الابيض طبعا، والثاني كان قصته اكثر مريحه وتفاصيله عمليه اخترت بلون اللافندر 💜

وبالصدفه طلعو من نفس البراند Lioness، قد جربت منه فستان العيد وكان شي مرتب وحلو وهالمره وقع اختياري على هالجاكيتين اسعارهم كانت مناسبه جدا دايما عليهم خصم مايتعدون ٢٥٠ ريال للابيض و ١٧٠ الموف وجودتهم ممتازه 👌

كل جاكيت نسقته مع الوان مختلفه و قطع مختلفه وصدقوني يناسب مع اغلب اغلب اغلب الملابس

اول شي بفتتح التدوينه بهالهيلز اخذته مخصوص لتنسيقات الشتاء وبيخدمني لما بعده , موديله حلو مره ع الرجل وطوله مريييح , رباطاته قاسيه بس مع الاستخدام بدأت تلين 

اخذته اكبر من مقاسي بنمره بتخفيضات شوب بوب للخريف بسعر 240 ريال 💛

تلاقونه : هنا

ببدأ بالابيض , قصته رسميه اكثر وكتافاته شوي عريضه , التفاصيل اللي فيه بالذهبي , من رمان ببالي يكون عندي جاكيت ابيض بنفس مواصفاته جدا مميز وحتى لو البسه مع توب وجينز هو بنفسه شيك 💛

رابط الجاكيت : هنا 

فخامة اللوك و الوانه عجيييبه ❤

بنطلون واسع اقدر اتحكم بفتحاته من تحت , مع هاينك صوف بيج و الجاكيت فقط !! الوان التنسيق وبساطة القطع طلعته جدا فخم 

لبست عليه هيلز نيود وشنطه بنفس التدرجات 

التفاصيل بحط لكم روابط القطع اللي من شوب بوب و بعض البدائل للي مو منه : 

البنطلون اخذته من فتره طويله من شوب بوب هنا 

الجاكيت هنا 

التوب الداخلي زمان عندي بس لقيت شي شبهه هنا

الهيلز من بايليس وتلاقون شبيه له هنا 

الشنطة شي ان و ممكن تلاقون شبيه لها هنا 

حبيت ادمج لون وخامات مختلفه , اخترت تنوره كحليه ساتان بكسرات وقميص اورقنزا بيج و طبعا لبست عليهم الجاكيت الابيض 

مره اليقنت اللوك 👌

التفاصيل بحط لكم روابط القطع اللي من شوب بوب و بعض البدائل للي مو منه : 

الجاكيت : هنا 

التنوره شي ان ولقيت بديل لها بدون كسرات وسعرها حلو مره : هنا 

القميص شي ان 

الشنطة : H&M

الهيلز جولي شيك 

جاكيت X جاكيت 

عمركم جربتو تلبسون جاكيت فوق جاكيت! 🤔

البعض ماراح يتقبل هالتنسيق بس انا اغرمت فيه جدا جدا , بليزر بدون اكمام لبسته داخلي و عليه الجاكيت الابيض وتنوره مكسره سودا 

وهنا غيرت شوي واضفت تنوره بيضا وكلهم حلوييين باللبس شتوي وفخم مره وانييق تداخل القطع 💖

التفاصيل : 

الجاكيت : هنا 

البليزر الداخلي شي ان واذا تبون شي مشابه له بس بأكمام : هنا 

التنوره السودا تلاقون زيها جلد : هنا 

التنوره البيضا و الهيلز الذهبي جولي شيك وكلهم سولد اوت 

انا من محبين الابيض كثير ف ماعندي مشكله يكون اللبس كله ابيض حتى لو للشتاء 👀 اضفت هالتنوره قريبه من خامة وتفاصيل الجاكيت 

لبست علي توب حرير اخضر و باقي الاكسسوارات بنيه و اهمها الهيلز اللي طحت بغرامه 💛💛

تفاصيل :

الجاكيت : هنا 

الشنطه شي ان

الهيلز : هنا 

اخر تنسيق كاجوال وقريب من شخصيتي , مريح ومرتب 💛

التفاصيل :

الجاكيت : هنا

البنطلون شي ان وبديل له : هنا

الباوتش جولي شيك وتلاقونه شي قريب منه : هنا

اللوك الرئيسي بطل هالتدوينه 💜 ح ب ي ت اللونين مع بعض

الجلد مع الموف الفاتح طالع غريب وحلو

اعتمدت كل الاكسسواريز بني بنفس الدرجه ماحبيت اضيف لون يضيع اللوك 

تفاصيل اللوك و بدائل للقطع :

الجاكيت : هنا

التنوره شي ان ولقيت بنطلون بنفس درجتها يجنن مررره : هنا 

الهيلز : هنا

اللوك الثاني جدا اليقنت 💜

 تنوره مكسره سودا و هاينك اسود بفضي ✨ 

رفعت اكمام الجاكيت شوي وطلعت اكمام البلوزه حركه بسيطه بس تفرق باللوك

التفاصيل :

الجاكيت : هنا

التنوره و التوب شي ان

اخر تنسيق اختم فيه هالتدوينه ألوانه منعشه ومريحه 💜💛 درجة اللون الكركمي للبلوزه الداخليه جدا مناسب مع الموف و لبست معهم جينز فاتح 💙

تفاصيل اللوك :

الجاكيت : هنا

التوب الداخلي لقيت نفس لونه هنا

الشنطه من زمان عندي من جولي شيك تلاقون البراند الاصلي والوان ثانيه منها : هنا

بكذا اختم تدوينتي اتمنى استمتعو فيها و الهمتكم وتذكرو في مجال اسوي تنسيقات كثييير فيه لكن اكتفيت بهالعدد واكيد بتشوفون باقي التنسيقات اللي ماشاركتها هنا طوال الشتاء بالانستا : هنا

ولو حابين تشوفون تدوينة العام تلاقونها : هنا 

أيامكم سعيده 💛