السلام عليكم ورحمة الله وبركاته
التدوينه الشتويه بمجال الفاشن صارت شي مهم و اتحمس أنزله كل سنه ✨
والحلو بتكون أول تدوينه لعام 2020 🎉 بداية خير ان شاء الله
خامته تويد ، وهو من ابرز القطع اللي اقتنيتها خصيصا لهالشتاء وحبيت اركز عليها هالسنه وتكون التنسيقات عليها ، مره حابته بكل تفاصيله ♥
هالجاكيت كان ودي انسق عليه كل الدولاب صراحه 💘 تقريباً اكتفيت بعشر تنسيقات لكن متأكده بتكون له تنسيقات اكثر وبتشوفونه اذا مو هالسنه السنوات الجايه
خامته مو ثقيله ولا مبطن من الداخل ، اخترته بدون اكمام عشان اقدر استفيد منه بالمنطقه اللي انا فيها بحكم انها مو بارده مره 👀 التنسيق حسب الجو اذا كان بارد ممكن البس تحته قطعه ثقيله مكممه اذا دافي ممكن اكتفي بتوب ~
اكثر شي احبه بملابس الشتا هو دمج الخامات ، بالنسبه لي اجمل شي بالشتاء هو الملابس 😅 الخامات تكون فخمه مهما كانت القطعه وموديلها
{ التويد مع الصوف و الجلد 😩💘}
نسقت عليه تنوره جلد وبلوزه برقبه صوف بيج ، حددت الخصر بحزام جلد جملي ، اللوك دافي وجميل مره تقارب الالوان وتناسقها مع بعض الجاكيت كان هو القطعه الرئيسيه اللي طلعت منها باقي القطع في التنسيق
اضفت كعب اسود و حلق ذهبي
التنانير المكسره من القطع اللي اعشقها مرره ، حلوه باللبس ولأي مناسبه
خامتها شوي ثقيله ولونها ترابي ع لمعه شوي ، اضفت عليها قميص اسود مقفله رقبته بزر ذهبي ، حزام بجلد اسود ع الخصر ، الشنطه والحلق عودي بذهبي والكعب اسود
التفاصيل ~
الجاكيت : هنا
التنوره : هنا
القميص : جولي شيك
الشنطه : هنا
الحلق : هنا
الحزام : ماكس
الكعب : zey
{ مع التنوره الذهبيه ✨}
هاللوك محبب لي مره شي مريح تقريبا كاجوال وفخم 💘 ، التنوره اضافت للجاكيت كثير لبست معها صندل اسود بذهبي والشنطه اللطيفه ركبت لها سير عريض فيه الوان اللبس وحزام ع الخصر بنفس جلد الشنطه
{ التويد والمخمل }
بنطلون واسع مخمل عودي ، من اهم الخامات اللي تتكرر كل سنه هي المخمل ، قصة البنطلون جميله جايه ستريت مو واسع مره ، اضفت هاينك بيج وكعب نيود
{ مع الجينز }
اتوقع اهم القطع اللي لازم تتنسق معه هي الجينز ، حلو بكل درجاته معه بس بهالتنسيق اخترت جينز غامق مع بلوزه صوف صفرا ، الصندل مخمل جملي و الشنطه الكيوت بنيه 💘
{ فستان }
فستان اسود ماسك ع الجسم ، اكمامه وطوله متوسط ، حلو ينلبس بمناسبه مسائيه
اضفت معه كعب ذهبي وبروش ذهبي بلولو والشنطه بنيه ✨
{ الفستان الابيض }
من احلى التنسيقات خصوصا اني احب الابيض 😍
فستان قصير واسع ، له اكمام طويله لبست عليه الجاكيت وتقريبا اطوالهم قريبه من بعض ، اضفت معه الكعب الذهبي والشنطه البنيه طالع اللوك خراافي 💘
{ التُل }
تنوره تل ورديه مع توب برقبه اسود الكعب اسود والكلتش ترابي 💛 اضافو التنوره بهاللون غريب شوي بس جريئ و انثوي
مو كثير ناس بتتقبل هاللبس بس عني انا مره حابته وحابه الالوان مع بعض
{ اسود × اسود }
هالتنسيق شتوي مره تنوره جلد قصيره بكسرات كبيره وتفاصيل بيضا من زمااان عندي ، مع توب وبوت وشنطه بلون اسود ، ولبست تحته كيلون اسود ♣
{ اورقنزا }
هالقميص كنت متخيلته مع الجاكيت من قبل اشتريه مع ان الخامه مو شتويه بس دارجه كثير هالموسم ، لبست تحته بنطلون رسمي كحلي ، حجم اكمام القميص مع الربطه ع الرقبه كانت معطيه اللوك جو صراحه 😂
ولأن كل شي واسع صار لابد من الحزام عشان شوي يعطي توازن وتخصيره حلوه اخترت شنطه ذهبيه صغيره ولفيتها حول الخصر
بكذا انتهت تدوينتي اتمنى استمتعو بمشاهدتها زي ما انا استمتعت بصناعة محتواها 💛
يهمني كثير اشوف تعليقاتكم
سلام 🕊
شكرا على التدوينة المتميزة بالتوفيق دائما
ردحذفشكرا لتعليقك اللطيف
ردحذف