السلام عليكم ورحمة الله وبركاته
موقع سكس ذا ستريت
هو موقع اماراتي , يوفر منتجات من براندات عالميه مختلفه
بالصدفه دخلت الموقع ولقيت عندهم شوزات رياضيه بأسعار خرافيه على بعض المقاسات
دورت تجارب للموقع مالقيت ، لقيت ف الانستقرام ريفيوهات ناس تمدح الموقع ومنتجاته و ناس تذمه والبعض يقول انه اوتلت للماركات
لقيت بعض الصور ف الانستا لناس وصلتهم الشوزات بحاله سيئه
ع العموم بحثت بسياسة الموقع لقيت انه يضمن لك جودة المنتجات و انها اصليه
الشي السيء فيه ماعندهم خدمة عملاء مباشره ، يعني لازم ترسلين استفسارك ع الايميل
طريقة الطلب جدا بسيطه :
تختارين المنتج وتضيفينه للسله , تختارين اكمال الدفع وتحددين الوسيله اللي بتدفعين فيها , تضيفين عنوانك و تأكدين الطلب
ماوصلتني منهم لارسالة تأكيد ولا شي بس تأكدت من حسابي بالموقع الطلبيه كانت قيد المعالجه بعدين تأكدت
اخترت شوزين من سكيتشرز و بعد البحث قررت اجرب و اطلب شوز واحد فقط ، اخترت الدفع عند الاستلام بحيث لو ماوصلتني الشحنه اكون ماخسرت شي
سعر الشوز 389 قبل الخصم و اخذته ب 143 ريال و خدمة الدفع عند الاستلام 20 ريال
ولاتنسون تستخدمون كود خصم ، انا استخدمت هذا : 6st008
طلبته يوم 5 اكتوبر ووصلني يوم 13 اكتوبر مع ارامكس
وصلتني شحنتين من الموقع اعتقد انها بالغلط منهم ف استلمت انا وحده
التغليف كان جيد بكيس الموقع وكرتون الشوز شوي مطعوج
جودة المنتج :
بما ان عندي شوزات سابقه من سكيتشرز و اصليه قارنت الكرتون والمنتج طالعين نفس بعض بالضبط الفرق الوحيد صناعة الشوز هذا من فيتنام بينما الثاني من الصين لكن اعتقد اختلاف سنة الموديل له دور يمكن ؟
اختياري له لاني ابغا شي خفيف و مريح للمشي الطويل و عملي لكل يوم ويكرف و اهم شي بدون رباط ، مشكلته الوحيده اكتشفتها بعد ما مشيت طويل فيه ان الكاحل شوي مرتفع ف مع كثرة الحركه جرح لي طرف رجلي ، ف هالنوع يحتاج البس معاه الشراب اللي له طرف مرتفع من فوق
هل انصح بالموقع ، من تجربه المنتجات والتوصيل كلها ممتازه ممكن اعيد الطلب لو لقيت شي بسعر حلو
اشوفكم بتدوينه جايه
سلام ✨
ليست هناك تعليقات:
إرسال تعليق