السلام عليكم ورحمة الله وبركاته
من سلة غسيل الى سلة تخزين 🍃
سويتها بستوري الانستا و حبيت اثبتها هنا ع البلوق
بالعاده هالنوع من السلال تكون اسعارها مرتفعه وكل ما كبر حجمها ارتفع سعرها 🙇
قررت اجرب اسويها بنفس النتيجه وسعر ارخص تكلفتها ماتتجاوز 40 ريال
نحتاج :
* سلة غسيل حجمها وسط
* حبل خيش احتجت 3 لفات كل لفه 20 متر
* صمغ مسدس
* صمغ خشب
* قماش للتلبيسه الداخليه
نثبته من تحت ونبدأ نصمغ ونلفه بترتيب
بعد ما نخلص نقص الزوائد و نمسح السله بالكامل بغرا الخشب عشان تتماسك والحبل مايتنسل
نجهز القماش
سويت خياطه بسيطه جدا لانه من مفرش قديم عندي وبغيره بعد فتره
قصيته مربع متر في متر وخيطته من كل الجهات وخليت الفتحه العلويه دخلتها بالسله وحطيت بكل طرف نقطة غرا مسدس وخلاص ثابته
ممكن تخيطون لها اقمشه منوعه بنقشات مختلفه وتثبتون لها مطاط بيصير اسهل لكم تطلعونها وتغسلونها
مره مرتبه وشغل نظيف ومايكلف
من استخداماتها :
بغرفة المعيشه للبطانيات و المخدات الزايده
بغرفة الاطفال للالعاب او للملابس او لسجادة الصلاه
ممكن تحطينها اصيص للنباتات الصناعيه او سلة مهملات بس استبدلي القماش بكيس بلاستيك
وبكذا انتهت تدوينتي لليوم ، اشوفكم بتدوينه جايه 💛
سلام
ليست هناك تعليقات:
إرسال تعليق