السلام عليكم ورحمة الله وبركاته
دي اس ال هي براند امريكي " طبي " للبشره و الشعر , اغلب منتجاتهم غنيه بفيتامين c و احماض معينه تساعد على العنايه للبشره لابعد مدى , مكوناتها طبيعيه وغير مجربه على الحيوانات
قررت اخصص هالتدوينه فقط لهالبراند لان اسعاره تعتبر مرتفعه "هاي اند" & مو كثير اشوفه بارز بمجتمعنا " ما له ريفيوهات او مراجعات "
جربت عدة منتجات من عندهم بتكلم عن كل منتج بشكل مفصل
لي تقريبا سنه استخدمهم بشكل اساسي لبشرتي
البشرات الحساسه او اي وحده تتحسسس من فيتامين سي ما اعتقد بتناسبها هالمنتجات لانها غنيه بفايتمن سي و احماض فاالافضل خذي عينه قبل تشترين المنتج
HYDRA BOOST FINISHING SERUM
سيروم البشره
من مكوناته حمض الهالورينيك , قوامه مائي , فيه ريحة برتقال , احيانا يلسع لو بشرتك متحسسه او مقشره , تمتصه البشره بسرعه , يوعد بتجديد الخلايا و حماية البشره
يستخدم على الرقبه و الوجه
خفيف ع الوجه يرطب البشره و يعطيها نضاره , مع الاستمرار تلاحظين بفرق واضح بوجهك
اللي لاحظته انا بعد اشهر من الاستخدام المستمر : القشور نادرا تطلع بوجهي , نضاره و اشراق وتفتيح , مافي اي مشاكل حبوب او غيرها
من المنتجات اللي فرقت معاي ببشرتي مع الاستمرار خصلت منه علبه وبدأت استخدم الثانيه , من الاشياء اللي ممكن ارجع اشتريها
سعره : 713 ريال
موجود بصيدلية النهدي
Skin renewal complex spf30
كريم مضاد للتجاعيد ولعلامات تقدم السن
من المنتجات اللي في البدايه كرهته جدا بس بعدين اغرمت فيه
استخدمه بالنهار على بشره نظيفه , فيه حمايه من البشره , يعطي لمعه صحيه رهيبه للبشره >> في البدايه كنت استخدم كميه كبيره منه ف كان يدهن بشرتي بشكل كبير ويضايق بس بعدين عرفت له كميه بسيطه منه تكفي
البشره تكون مترطبه طوال اليوم , اعتقد البشره الدهنيه ماراح تتقبله لانه يعطي احساس دهني
سعره : 847 ريال
Skin brightening complexion treatment
لوشن لتقليل البقع الداكنه
قوامه خفيفه , يرطب البشره بشكل خفيف و مريح مايكتمها ولا يدهن بها
ما اعاني من بقع و استخدمته حبيته ككريم يومي عادي لكن اعطيته وحده تعاني من بقع قديمه ومالاحظت اي تفتيح معاه
سعره : 499 ريال
Peptide plus cream
عينه من كريم الكولاجين
استخدمته بشكل يومي , عادي جدا و ترطيبه عادي ماشفت فيه شي مميز و اعتبره غالي يعني منتجات اقل منه ممكن تسوي نفس المفعول
سعر الحجم الاصلي : 847 ريال
Strengthening shampoo
* شامبو مغذي و مقوي للشعر
ينظف الشعر والفروه, نفس الشي فيه ريحة برتقال , اللي شعرها جاف بتحس بعده انه جفف شعرها اكثر
مناسب للي فروتهم دهنيه , استخدمه اذا كنت حاطه زيت بشعري ينظفه لي
هل راح ارجع اشتريه : لا
سعره : 175 ريال
*
*
المنتجات كلها موجوده بصيدليات النهدي
موقع البراند : www.dclskincare.com
لو جربتو شي منهم اكتبو لي تجربتكم في التعليقات
اشوفكم بتدوينات قادمه ~
بالفعل مافي ريفيوز عليها في المحتوى العربي نادر تلقي أحد كتب عنها .
ردحذفالتدوينة مميزة و شاملة .
بس بضيف على نقطة بقع البشرة كل ما كان عمر البقع عدة سنوات كل ماكان زوالها أصعب ، و الكريمات غالبًا ماتعطي مفعول غير على البقع السطحية أما العميقة و القديمة لازم لها خطة علاجية مع دكتور ممتاز .