السلام عليكم ورحمة الله وبركاته
الاسبوع اللي راح حضرت ايفنت لـ ذا بودي شوب كان بمناسبة اطلاق ماسكات ومنتجات اضافيه جديده
وبما انه اول تواصل حقيقي لي عن طريق البلوق و اول ايفنت ألبي فيه الدعوه و احضره حبيت اوثقه ف المدونه
للامانه ما اخذت احتياطي اني اصور الايفنت و انزله بتدوينه بس جدا انبهرت من الاجواء والتنظيم تبع الايفنت ف طلعت ب كم صوره
واخر شي بتكلم بشكل مفصل عن محتويات المنتجات اللي قدموها لنا
*
*
*
نبدأ
اجواء الايفنت جدا رائعه و فريق بودي شوب مره لطيفين جدا حبيتهم
والاحلى اول مادخلنا لبسونا سليبرز (شبشب) عشان نعيش الجو صح هههههه
عرفونا على الماسكات الجديده اللي نزلوها و مكوناتها
بعدها جربنا الماسكات .. وكان موجود صالون نعومي وقدمو خدمة المساج والبديكير >> بس ماجربتها
*
و مع الماسكات قدمو لنا سموثي
*صوره عفويه تبين قد ايش انا كنت مندمجه بعد ماحطيت الماسك ههههههه
الماسك اللي حطيته كان ماسك الاكاي ,, حبيت احساس البروده والنعومه من بعده >> انطباع اولي فقط
وبعدها عرفونا على المنتجات الثانيه اللي نزلت عندهم والارتست وفاء كانت موجوده وطبقت لنا لوكين بالايشادو الجديد اللي نزلوه
واخيرا شكرا ذا بودي شوب قضيت ليله ممتعه معاكم
*
*
*
نبدأ بمحتويات الباق اللي اعطوني هي
نزلو باليتات ايشادو جديده & من مجموعة السبا اضافو منتجين جديدين لها
بالنسبه للباليتات مره حلوه الوانها بعضها الوان شيمر (بلمعه) والبعض مات (مطفي) الوانها طبيعيه تعتبر اللي ممكن تستخدمينها بكل لوك
برضو اكثر شي حبيته ان الاياشادو تنفك من الباليت ف ممكن مستقبلا تشترين الوان اضافيه من عندهم وتركبينها بالباليت بكل سهوله
ملمسها جدا ناعم و خبرونا ان الالوان واضحه وماتحتاج برايمر وممكن تستخدمينها عادي وممكن بفرشه مبلله مويه
طبعا بشكل مفصل انا بكتب عنها بعد التجربه .. سعر الباليت الرباعي الواحد ب 89 ريال
من مجموعة سبا اوف ذا وورلد اضافو منتجين
من اليمين كريم للجسم بعشب البحر الاطلسي
والمنتج الثاني اكثر شي متحمسه له مقشر زيتي برضو للجسم
بالنسبه للماسكات .. نزلو خمس ماسكات للوجه طبيعيه
الحلو فيها غير انها طبيعيه ومافيها مواد حافظه هي آمنه ومناسبه لجميع البشرات وايضا حبيت انها مناسبه للحوامل
وبما انها مافيها مواد حافظه ضروري تنتبهين انك ماتدخلين يدك فيها يعني تاخذين الماسك بفرشه او ملعقه عشان تحافظين عليه ومايخرب & ماتخلينه مفتوح عشان ماينشف & حسب ما اتذكر انه اكثر من ست شهور بعد الفتح الماسك الطبيعي مايحافظ على قوامه
فكرة الماسكات مستوحاه من عادات الشعوب من الاشياء اللي قديما الناس كانو بيستخدمونها لبشراتهم
3 انواع من المساكات فيها حبيبات بسيطه للتقشير و 2 للترطيب
طبعا ممكن تستخدمين طريقة اكثر من ماسك لكذا منطقه بوجهك حسب احتياجها
واخيرا الماسكات نتيجتها ممكن تلاحظينها من اول استخدام وطبعا مع الاستخدام المتكرر تعطيك نتيجه افضل
بعد التجربه راح اكتب عنها بشكل مفصل اكثر
نبدا من تحت :
ماسك فحم الهملايا ,, مكون من فحم البامبو وزيت الشاي ينقي المسام وينظف البشره
ماسك الورد البريطاني ,, يشد البشره ويرطبها
ماسك الجينسينغ الصيني .. لاشراقة البشره وتوحيدها
ماسك الفحم الاثيوبي .. يرطب البشره ويغذيها
ماسك توت الاكاي الامازوني ,, مكون من فتامينات و يغذي البشره المرهقه
و مع الماسكات نزلو فرشه خاصه فيها شعرها صناعي 100%
حسافه كنت متوقعه انهم يبيعو الباكج كامل حق الماسكات لاني حبيت فكرته كهديه بس للاسف يبيعون كل ماسك لوحده ,, يمكن مستقبلا يوفرون الباكج كامل
ع العموم سعر الماسك الواحد 119 ريال ويجي معاه دفتر التلوين مجانا
الفرشه بحدود الستين او السبعين
*
*
انتهت تدوينتي لليوم اتمنى استمتعو ,, اتركو لي تعليقاتكم تحت جدا تسعدني
وشكرا ~
مساء الخير فاطمه ..
ردحذفتدينه جمييييله و زي ما هما عيشوكي جو السبا بالسليبرز
انتي عيشتينا جو الإيفنت بالبوست و الصور
استمعت بالقراءة مره و حبيت الظلال و الماسكات الجديده من ذَا بودّي شوب ..!
شكراً لك
و ننتظر منك المزيد
استمتعت وأنا أقرأ البوست .. بسيط ومليء بالتفاصيل اللي تعيشك الجو
ردحذف