تقييم : منتجات خلصتها ,عنايه وشوية اكل ~

السلام عليكم ورحمة الله وبركاته 

خلصت منتجات كثير قبل فتره وقررت اكتب عنها حبيت تكون منوعه هالمره ف اضفت نهايتها منتجات اكل ورأيي فيها 

يهمني اوثق تجربتي بالمنتجات الاستهلاكيه بتدوينات زي كذا ف هاذي هي المنتجات وتحت بفصلها اكثر 

نبدا ~

اسكينول بالليمون احب استخدمه للرقبه والركب امسح فيها بعدها اغسل بمويه لان قوي ع البشره ف ما انصح فيه للوجه ابدا سعره 9 ريال 

غسول الوجه من نيفيا للتفتيح الطبيعي .. ماحبيته ما احس ينظف زين وبالقوه خلص لاني كرهت استخدمه مامنه فايده برغم اني جربت غسولات ثانيه من نيفيا كانت افضل من هذا 

غسول دوف مره حبيته فعلا احب احساس البشره من بعده احس بنظافه اتوقع سعره حدود 9 او 10 ريال 

شامبو غارنير الترا بزيت الارغان حبيته منعش وريحته حلوه مايجفف الشعر وناسبني بس حاليا غيرته لان كل فتره اجرب شي جديد ما احب شعري يتعود ع شامبو معين 

شامبو دوف الرجالي جربت منه نوعين الاخضر منعش جدا جدا للفروه  لدرجه انه تحسين بحرارة ببشرتك وعيونك زي حرارة الفكس او حلاوة النعناع استخدمه اذا كانت فروة شعري مدهنه بزياده يعني تقريبا كل اسبوعين مره

النوع الثاني ايضا رجالي بس اخف من النوع الاول بالنسبه لي حبيت الاخضر اكثر لانه منعشش هههه ونفس الشي استخدمه عشان الدهون فقط ومره كل اسبوعين 

حمام زيت من فاتيكا مو اول مره استخدمه احبه اكثر من البلسم يناسب شعري اكثر 

الفازلينين احبهم الوردي لوشن ف اخف ع البشره والثاني بالصبار حلوه ريحته و اخف نوع من الفازلينات ذي كلهم تكلمت عنهم ومره احبهم 

جل الصبار تكلمت عنه ايضا هنا وطبعا برجع اشتريه

من اليمين شاور جل بالشيا وفايتمين e 

ريحته حلاوه فواكه 

النوع الثاني بالفانيليا وفيتامين e ريحته  خفيف وحلوه 

بشكل عام صوابين الجسم حق باث اند بودي ووركس مافيها شي مميز حلوه خفيفه ع الجسم وريحتها برضو خفيفه ماتثببت كثير طبعا انصح تاخذونها بالتخفيضات تكون بحدود 10 او 15 ريال 

معقم من صيدلية بوتس له سنه يمكن عندي اعبي فيه علب المعقم الصغيره و اوزعها بالشنط حلو وحجمه كويس سعره 5 ريال و اكيد برجع اشتريه 

من اليمين معطر جسم من باث اند بودي 

الاول اسمه باريس امور مو مره حبيت ريحته 

الثاني ريحته فواكه صيفيه منعشه اتوقع هو بالتوت بس انا ريحته يمكن تذكرني بالشمام او بطيخ ع العموم مو مره انا احب هالروائح وزي ماقلت ما اتعنى اخذها الا بالتخفيض 

اخر شي مناديل ازالة المكياج بالصبار من نزيه شركتها pritty cosmetics 

بلا مبالغه من افضل الاشياء اللي جربتها لازالة المكياج بالكامل للوجه والعين 

ابدا ماتحرق ولا تجفف البشره ولا اي شي 

الحلو فيها المنديل حجمه كبير ومبلل زين 

فيها 30 منديل سعرها 9 ريال و اكيد برجع اشتري منها كميه 

زيت اللوز المر .. صار لي ثلاث شهور استخدمه مع الديرما رولر وبدونها احب ترطيبه للجسم والوجه استخدمه وقت النوم لان ريحته لوز وبالنسبه لي شوي مزعجه  احس مهم يكون عندي و اكيد برجع اشتريه .. سعره 30 ريال من النهدي

كريم الكولاجين تكلمت عنه بشكل مفصل هنا ويعتبر فاشل بالنسبه للوعود اللي يوعد فيها بس احب ترطيبه انه خفيف وممكن استخدمه قبل المكياج 

جواب تقشير القدمين برضو تكلمت عنها هنا بشكل اوضح مع الصور طبعا راح ارجع اشتريها اذا مو هي ماركه ثانيه 

معطر جو بالعود حسيت حلو لو احد جاك فجأه ومايمدي تبخرين ف كم بخه منه شي كويس خصوصا ان ريحة العود اللي فيه حلوه بكونه معطر جو , موجود ببنده 

بودرة ريميل ستاي مات جار عليها الزمن ههههه تعتبر البديل الافضل للبودرات المثبه للميك اب ممكن تطبطبين عليها ع الاماكن اللي تدهن ف وجهك وتنتظرين شوي الى ان تمتصها البشره .. بشكل عام انا ما افضل البودرات ابد ما اتقبلها كثير بس هاذي مناسبه للبشرات الدهنيه واللي عندها التي زون دهني

صبغة غارنير مو اول ولا ثاني ولا ثالث مره استخدمها هي المفضله عندي خصوصا الاشقر رمادي صحيح مايعطي لون واضح من اول مره بحكم ان شعري غامق بس ممكن مع التكرار كل فتره يعطي نتيجه افضل .. انا احبها لانها ماهي قويه ع الشعر

مؤخرا الناس صارت اغلبهم طايحين بشاهي الكرك او (الشاهي العدني) وكثير شركات صارت تنزل مغلفات جاهزه 

بما اني نوعا ما خبيره بالشاهي العدني بحكم انه مشروب رئيسي عندنا ما تقبلت فكرة المغلفات الجاهزه 

صار لي اجرب نوعين منها اللي ع اليمين طريقة تحضيره ع كل كوب مويه تحطين ملعقه كبيره وتخلينه يغلي تقريبا 5 دقايق 

جربته وجدا الطعم سيء ومره خفيف وابدا ما عجبني موويه مره مع اني رجعت اضفت اكثر من ملعقه بس نفس الشي 

المغلف الثاني وهو الاشهر بنفس الطريقه يتحضر جربته كان نفس الشي تقريبا سيء بس مو بنفس سوء اللي فوق هذا شوي حسيت فيه نكهه

ف ع العموم اثنينهم صرنا نستخدمهم بعد مانسوي الشاهي الاساسي اللي هو مويه وسكر وورق الشاهي وحليب مركز وهيل > مو اي نوع الورق والحليب .. صرت اضيف من اللي فوق ملعقه عشان نكهة القرفه والزنجبيل ...الخ 

اخر شي بهارات السمك من مهران بشكل عام كل بهارات السمك احب النكهه اللي فيها وحبيتها اكثر لاني صرت استخدمها مع الزبادي ف تصير صوص للشيبس او البطاطس المقلي ..الخ

من اليمين شابوره من راسك .. نادرا اجرب شابورات وتعجبني هاذي لذيذ طعمها و هشه وحجمها حلو 

ايسكريم يمي >> اسمه كذا ترا << من ايكلو لذييييذ يابنات مره لذيذ لو بيوم شطحتي و اشتهيتي حلا بارد ومحترم مو اي كلام  وخفيف نوعا ما ع المعده ع طول جربي هذا شوكليت وفانيلا وكراميل وفول سوداني ,, ممكن بعد تقطعينه قطع ويكون تحته كيك ودريم ويب يعني ابداع كذا مره لذيذ <3 والاحلى سعره ريال واحد بس 

اخر شي الواح غرانولا بالشوفان وقطع الشوكليت الكرتون فيه خمس مغلفات داخل كل مغلف قطعتين 

نوعا ما مو لذيذ لذيذ بس افضل من الشوكليت الثانيه كونه صحي ممكن اللي عندهم دوامات او يحبون يضيفون سناك صحي بيومهم انصح فيه لهم

موجود ببنده اظن سعره 12 ريال وموجود بموقع اي هيرب 

*

*

وانتهت تدوينتي لليوم .. شاركوني بآرائكم تحت 

وشكرا ~