السلام عليكم ورحمة الله وبركاته
برغم اني مو مره اصحاب انا ومنتجات اولاي بس شفت عرض ع هالمجموعه وبكل مكان اشوفها بوجهي ف قررت اجربها >> لان كان عليها عرض للامانه
مجموعة اولاي للتفتيح
عباره عن غسول & كريم ليل وكريم للنهار
اتوقع منها انواع انا عندي للبشره الجافه\العاديه
ببدأ بالغسول ..
فيه حبيبات بسيطه تغسلين فيه وجهك بعدها تستخدمين الكريم
ما حبيته حسيت مايعطيني احساس النظافه ابد كأنك حطيتي كريم وغسلتي وجهك مع ذلك مستمره عليه لاخر قطره ولازلت متمسكه برأيي وما ودي اقول اسوء غسول جربته بس هو فعلا جدا سيء خصوصا شفته قبل كم يوم في بن داوود لوحده >> ابد ماعطيته خزه اللي يع معطينك جوك ويبيعونك لوحدك بعد !!
*
*
*
كريم الليل & كريم النهار
حبيت الكريمات طبعا هي ابد ماحسيتها علاجيه ولا لاحظت تفتيح ولا اي شي بس خفيفه ع البشره خصوصا لو كان الجو حار الواحد يالله يطيق نفسه عشان يحط كريم ثقيل ع الوجه ف حسيت هذا مناسب وبرضو ف البيت اذا مالك خلق ممكن غسول او ماسك بعدها تستخدمين واحد من هالكريمات وحلو للي عندهم دوامات كل يوم
حلو ترطيبها تمتصها البشره بسرعه وماتدهن ولاتدبق البشره احب الكريمات الخفيفه اللي كذا خصوصا قبل المكياج
كريم النهار حبيت ان فيه حمايه من الشمس 24
فقط مافيها شي مميز زي ماقلت ولا تفتح ممكن لو برجع اشتري باخذ الكريمات لوحدها >> خصوصا لو عليها عرض لووول
المجموعه سعرها كان 28 ريال من بنده
وبكذا انتهت تدوينتي البسيطه لو حابين تتواصلون معاي تفضلو هنا
وشكرا ~
ليست هناك تعليقات:
إرسال تعليق