السلام عليكم ورحمة الله وبركاته
الكونسيلر استخدمه ع منطقة الهالات تحت العين بشكل مثلث و استخدمه لباقي مناطق الوجه الانف الجبهه والذقن او لو عندي اثر حبه
هالاتي خفيفه ف احتاج تغطيه خفيفه الى متوسطه & احب تكون منطقه تحت العين نظيفه وفيها نور
بالنسبه لطريقة الدمج حاليا افضل ادمجه بالاسفننجه سواء كان للهالات او باقي الوجه
*
*
*
البعض يواجه مشكله مايثبت او يخطط معها دائما حطي اول طبقه و ادمجي بالاسفنجه بعدها لو حابه تغطيه اعلى حطي طبقه ثانيه و ادمجي كويس اخر خطوه حطي لوس باودر (بودره منثوره ) سواء كانت بلون زي بنانا باودر او بدون لون راح يثبت معك ومايخطط ان شاء الله
اللي تواجه انه يقلب معها الكونسيلر رمادي او هالاتها غامقه استخدمي قبله مصحح برتقالي وحطي الكونسيلر عليه
ودائما دائما دائما الكونسيلر يكون نفس لونك او افتح بدرجه ...
*
*
*
يلا نبدأ
اول كونسيلر من ميبلين هو التوب عندي
تغطيته متوسطه
لونه جدا جدا مناسب لي نفس لون بشرتي تقريبا
مايخطط و احتياطا اطبطب عليه بباودر احيانا
راسه اسفنجه بس ماحبيتها بالتوزيع حسيتها تخطط الكونسيلر ف احطه فيها وارجع ادمج باسفنجة ريل تكنيك
استخدمه بكل وقت طلعه خفيفه دوام او مناسبات وجدا حابته
درجتي ميديم
سعره بحدود 60 ريال
متوفر عند التاجرات وبموقع درق ستور ارخص
*
*
*
*
*
كونسيلر ميبلين فيت مي
تغطيته خفيفه
لونه حلو مايل للاصفر يعطيني تغطيه و اضاءه بنفس الوقت
مناسب للدوامات يعني شي خفيف زيارات هيك شي واحب استخدمه لكل وجهي
سعره بحدود 40 ريال
متوفر بسنتربوينت درجتي 25
*
*
*
*
*
برو كونسيلر ال قيرل LA GIRL
تغطيته متوسطه - عاليه
حسيت يننشف تحت العين يعني احيانا ممكن يخطط معك ف رطبي المنطقه وحطيه بعدها حطي باودر عليه
ثباته طويل كويس للمناسبات
مشكلتي معاه بالدرجه فاتحه علي ف استخدمه فووق الكونسيلر يعطيني اضاءه & استخدمه لتنظيف الحاجب & برايمر قبل الشدو
برضو راسه فرشه ف شوي صعب علي احطه فوق كونسيلر ثاني لانه يمسح شوي منه
ع العموم انا جدا حابته وراح اطلب الدرجه اغمق منه المناسبه لي
درجته ناتشورال
متوفر بموقعهم السعودي هنا يدعم الدفع عند الاستلام & سعره بالعشرينات
انتهت تدوينة اليوم اتركو لي تعليقاتكم تحت & تواصلو معاي هنا
وشكرا ~
ليست هناك تعليقات:
إرسال تعليق