سويها بنفسك : تصليح الآيشادو & الباودر المكسور بمثبت مكياج ايلف ~

السلام عليكم ورحمة الله وبركاته 

ادري هالطريقه معروفه ومنتشره كثير اللي هي تصليح الباودر المكسور بمثبت المكياج او بالفكس بلس من ماك 

تدوينتي اليوم مختلفه شوي راح اصلحها بس بمثبت ايلف اللي كثير شبهوه بالفكس بلس بكل شي الا تصليح الامكياج المكسور محد جرب ف بشوف بعد لو كان بهالشي يشبه الفكس بلس او لا 

دورت كثير لو احد سوا هالحركه من قبل بمثبت ايلف بس للاسف مالقيت كلها فكس بلس او كحول من الصيدليه 

جربت هالحركه اول على باودر عندي عشان لو ماضبطت ارمي الباودر لان مو مره عاجبني وضبطت ...

*
*
*
*

اضاءه ماري لو من ذا بالم من اكثر الاشياء العرضه للكسر ف قررت اصلحها فيه اشوف تضبط او لا

حطيه الاضاءه بصحن زجاج وكسرتها اكثر الى ان صارت باودر ومافيها كتل

حطيت عليها شوي من مثبت المكياج من ايلف و اخلطها 

كل شوي ازيد الى ان صارت سايله شوي 

نظفت العلبه ووزعت الاضاءه فيها

وحطيت قطنه او منديل وضغطت عليها وقفلت العلبه شوي >> عشان تاخذ شكل العلبه وتطلع الزوائد 

خليتها تنشف لمدة كم ساعه بمكان بارد بعيد عن الغبار و رجعت جديده 

ممكن تطبقين هالحركه على اي شي مكسور عندك باودر اضاءه او ايشادو

بالنهايه تجربه ناجحه مع مثبت ايلف البديل الارخص لماك فكس بلس 

مثبت مكياج ايلف موجود اون لاين سعره 3 دولار = 15 ريال 
وعند التاجرات 

لو عندكم اي تعليقات اكتبوها لي تحت او تواصلو معاي هنا

وشكرا ~