السلام عليكم ورحمة الله وبركاته
تدوينة اليوم تقييم لمجموعة الماسكرات اللي عندي هالفتره
مبدئيا رموشي سودا ومتوسطة الطول والكثافه >> عشان كذا ما اواجه مشاكل كثير مع الماسكرات
نبدا
ماسكرا من افون
فرشتها شعر مو بلاستيك تعطي كثافه وطول
رأيي :
انا افضل الماسكرات اللي فرشتها بلاستك وهاذي شعيراتها مو بلاستك او يمكن بلاستك بس مو قوي وواقف
ماحبيت السائل حق الماسكرا نفسه ماينشف بسرعه وممكن تطبع ع الجفن
حسيتها تكتل معاي من ثاني طبقه يعني اول طبقه كويسه بس ثاني طبقه تلصق الرموش ببعض وتخرب شكلها
اعطيها 2\5
طلبتها من مندوبة افون سعرها اتوقع 30 ريال
*
*
*
ماسكرا ون باي ون من ميبلين
كانت من مفضلاتي ولا زالت لان وبدون مبالغه ماواجهت معها اي مشكله
فرشتها شعيراتها بلاستك
رأيي :
جميله من ناحية الطول والكثافه ممكن تكتفين بأول طبقه منها
اذا حطيتها تنشف بسرعه
لو حطيت اكثر من طبقه ماتكتل
ازالتها سهله لانها مو ضد المويه
اعطيها 5\5
سعرها 50 ريال موجوده بستنر بوينت وسيتي ماكس وصيدلية وايتس والنهدي
*
*
*
ماسكرا ايلف
فرشتها غريبه شوي بس شعيراتها بلاستك وقصيره
رأيي :
مو مره حبيتها لان شكل فرشتها مو عملي وشوي مزعج وتخبص عليك احيانا
النوع اللي اخذته السائل نفسه فيه شوي قليتر
لاحظتها تعطي طول وتفرق الرموش عن بعض اما الكثافه لا
تنشف بسرعه ع الرمش و ازالتها سهله
اعطيها 3\5
سعرها 15 ريال تقريبا طلبتها من هنا
*
*
*
اخر ماسكرا برضو من ايلف
تختلف عن اللي قبلها بشكل الفرشه
رأيي :
من افضل الماسكرات هالفتره وصرت افضلها عن ون باي ون لانها ارخص وتعطيني نفس النتيجه ويمكن افضل
مرره حبيت حبيت فرشتها بلاستيك فيها شعيرات طويله للرموش اللي فوق وشعيرات قصيره للرموش اللي تحت
تعطي كثافه وطول
تنشف بسرعه وازالتها سهله
اعطيها 5\5
سعرها 15 ريال تقريبا طلبتها من هنا
*
*
*
اخيرا كل الماسكرات اللي ذكرتها مو ضد المويه وبالنسبه لي خفيفه ع الرموش تنفع للاستخدام اليومي اكثر بس برضو استخدمها انا بالمناسبات وكل وقت
* قصدي ب انها تنشف بسرعه مو بالعلبه لا قصدي وقت ماتحطينها ع رموشك ماتاخذ وقت الين تنشف
لو عندكم اي استفسار او اقتراح اكتبوه لي تحت او تواصلو معاي ع ايقونات البرامج فوق يمين الشاشه
اشوفكم ببوست قادم
وشكرا ~
ليست هناك تعليقات:
إرسال تعليق