هل راح ارجع اشتريه لا !!
لاني لقيت له بدائل طبيعيه ذكرتها بهالتدوينه >> هنا والمنتجات تحت كانت افضل منه
هالمنتج له صيت عند الاجانب وتجاوب كثير تقدرون تبحثون عنها , هو المنتج اللي جربته بـ2020
عباره عن معجون اسنان ايطالي، نباتي و خال من الفلوريدا و البارابين و الجلوتين، يتوفر بعدة نكهات، انا اخذت بالياسمين هي الوحيده اللي لقيتها متوفره وتلاقونه بأحجام اللي عندي اكبر حجم 75 ml ، هالمعجون مخصص لتبييض الاسنان او بالاصح تفتيحها للوصول لبياضها الطبيعي، يستخدم يوميا ✨
تجربتي الشخصيه
اشرب شاهي وقهوه يومياً اكثر من كوب، مع هالمعجون لاحظت تفتيح بسيط جدا ومافي اصفرار اكثر بما اني استخدمه يوميا
شخصيا مرتاحه عليه ماحسس بأسناني ابد ابد وحافظ لي على لونها و احس ممكن اشتريه مرتين وثلاث ، لو كنتي تبين تفتيح واضح اوبياض ناصع ماراح يعطيك نتيجه
تلاقونه بصيدلية وايتس و الدواء وببعض المواقع، انا أخذته من موقع شوب بوب سعر ٣٩ ريال
رابط المنتج : هنا
قوالب الاسنان من بيرلين Pearline
هالمجموعه كان تركيزي عليها بـ2019
عددها 7ازواج من القوالب تستخدم لمدة اسبوع تستخدم لمدة نص ساعه
اول يوم : السن الامامي طلعت فيه بقع بيضا صغيره ، بعد السحور استخدمتها وقبلها فرشت اسناني ونظفتها بالخيط
ثاني وثالث يوم : نفس السن فيه بقع اكثر بيضا ، وقت السحور استخدمتها ع اسنان نظيفه وناشفه
رابع يوم : الاسنان لونها واحد ونظيفه
خامس يوم : تفتيح بسيط في بعض الاسنان من الاطراف
سادس يوم : اسناني نظييفه ولونها افتح
النتيجه النهائيه: تفتيح درجه ف الاسنان و شكل نظيف
القوالب ماحسست بأسناني ، ماشفت لها اي سلبيه لكن كتفتيح النتيجه جدا بسيطه لكورس واحد ، اعتقد لو استخدمت اكثر من كورس بتكون النتيجه افضل
هل ممكن ارجع لها ؟ ايه لو مالقيت بديل افضل بنفس المواصفات
فرشة الاسنان
من نفس البراند , كنت استخدمها مع القوالب و لازلت استخدمها , فيها تقنية الضوء الازرق للتبييض يعني هالتقنيه توعد بتفتيح الاسنان لكن مالاحظت هالشي ابد
تشتغل بالشحن , وشحنها يطول صراحه انا استخدمها كل يوم وتجلس تقريبا شهرين واشحنها من جديد
المميز فيها شعيرات عاديه و من الجوانب شعيرات سيلكون ف تعطي تنظيف زياده للسن , كأول اسبوع استخدام حجم الفرشاه جدا كبير ع فمي لكن بعدين تعودت عليها
فيها اهتزازين بطيء وسريع , عني استخدم البطيء , تجي مع شاحن و 3 رؤوس للتغيير
رأيي النهائي عنها , عاديه جدا وما اشوفها مهمه بروتيني ولاسوت لي فرق غير اني حبيت الدمج بين الشعيرات العاديه والسيلكون
قوالب بيرلين سعرها 330 ريال تتوفر : هنا
فرشة الاسنان : هنا
صفحه لكل منتجات بيرلين مع غيارات الفرشه و بعض العروض هنا
*
*
*
جمييل بجربه ان شاء الله
ردحذفحلو ومشاء الله ع مدونتك ~
ردحذفمن اي صيدليه اخذتيه
ردحذفمن اي صيدليه اخذتيه
ردحذفمتوفر بأغلب الصيدليات
حذففعلا من افضل الانواع جودة وانا مستمر عليه لسنوات عديدة وآمن وهذا هو الاهم
ردحذف