السلام عليكم ورحمه من الله وبركاته
موقع جديد بينضم لسلسة التسوق عبر الانترنت 💰
سبق وكتبت عن عدة مواقع في المدونه بتجربه شخصيه بدايه من طريقة الطلب مرور بإجرائات الوصول انتهاء بتقييم الخدمه والمنتجات
هالموقع اكتشفته قبل خمس سنوات وقت كنت انبش و ابحر في عالم التسوق اون لاين ، جذبتني اسعاره رخيصه بس ماكانت له ريفيوهات و تجارب زي الان
مع مرور السنوات والتسويق الكبير لهالموقع وتنوع منتجاته ومناسباتها لنا كعرب ومواكبتها للموضه صار الاغلب مجربه ، قررت هالسنه تكون مشتريات العيد منه
للامانه احترت كثير وش اخذ وش اخلي 😂 عربية للتسوق كانت واصله عندي عشر الاف 👀 ، سويت تصفيات الى ان وصلت للمبلغ و المنتجات المعقوله
⚫ هالتدوينه بتكون محدثه بإستمرار لمشترياتي و اذا في سياسه جديده بالموقع مستقبلاً راح اتطرق لها
⚫ طريقة الطلب :
تبدأين تتصفحينه وتضيفين القطع للسله
تنتقلين للسله تشيكين على عدد القطع و المقاسات
تختارين الدفع وينقلك لصفحة الدفع
عندك خيارات للدفع : عند الاستلام برسوم 22 ريال اضافيه ، او فيزا او باي بال وبيعطونك خصم 15%
⚫ تجربتي الاولى : اخترت عند الاستلام لها رسوم 22 ريال , لانه كان موسم عيد ولو تأخرت الشحنه يمدي اروح اشتري من السوق خصوصا لو ميزانيتك محدوده ، لكن لو ماتفرق معك اكيد طبعا تختارين الفيزا او الباي بال لان الخصم جبار بالنهايه مع الكود
ع العموم نستكمل اجراء الدفع
⚫ تجربتي الثانيه : دفعت بالفيزا , جدا بسيطه الاجراءات مجرد تختارين الخيار الثاني من الدفع , ينقلك لبيانات الفيزا وتدخلينها وتأكدين الطلب خلاص
⚫ تجربتي الثانيه : دفعت بالفيزا , جدا بسيطه الاجراءات مجرد تختارين الخيار الثاني من الدفع , ينقلك لبيانات الفيزا وتدخلينها وتأكدين الطلب خلاص
عندك تأمين 14 ريال زياده عشان او بتسترجعين ، انا الغيها دائما لان اكون متأكده من طلبي واني مابسترجع شي
وتحت عندك منطقة الكود (رمز القسيمة ) دائما اكوادهم 15% وفوق بس ابحثي او بتلاقينها بواجهة الموقع ، هالكود بيخصم لكم 20% ولو استخدمتي الدفع بالبطاقه بيكون اجمالي خصمك 30% مبلغ رهيب بينخصم👍
الكود : 20shein
او الكود خاص فيني 15% : Fm15
او الكود خاص فيني 15% : Fm15
منطقة النقاط ، فكرة النقاط انك اذا حملتي التطبيق و سويتي تسجيل دخول كل يوم ببرنامج النقاط يعطيك كل يوم عدد معين نقاط ، كل 100 نقطه = 1 دولار ، وتقدرين تستخدمينها تخصم نهاية طلبك
⚫ كيف احصل على نقاط ؟
* تسجيل دخول يومي لبرنامج النقاط ، حسابك في شي ان بعدها لصفحتك
ثم نقاط شي ان
تضغطين ع تسجيل دخول
تضغطين على ايقونة اليوم ويضفي لك النقاط
للحصول على نقاط اكثر :
* المشاركه في مسابقات تصاميم الازياء في التطبيق ، كل مسابقه عليها عدد معين لو ربحتي
* حضور البث المباشر ، شي ان كل فتره يسوون بث مباشر مع شخصيات وبأي وقت من البث يوزعون نقاط و الربح لاسرع وحده تاخذها
* بالمواسم يسوون العاب في التطبيق و احيانا الجوائز تكون نقاط
* اخيرا بكتابة تقييم بعد طلباتك ، واذا ارفقتي صور لها تاخذين نقاط اكثر
⚫ اخر فقره من الطلب اضافة العنوان والرقم و تأكيده : الدوله + المدينه + الشارع و رقم المبنى + رقم الجوال
( رمز مدينتك البريدي) بكل موقع وبكل اهتم اني اضيفه عشان ماتروح شحنتي لمدينه ثانيه بالغلط ، رمز جده البريدي : 21442 ، و اي مدينه ابحثي بقوقل عن رمزها البريدي وبيطلع لك
طلبت بتاريخ 8 مايو ، انشحن الطلب 9 مايو ، وصل الرياض 12 مايو ، وصلني الطلب لجده 14 مايو مع شركة ناقل
اسبوع بالضبط 👏
للامانه ماااتوقعت نهائيا يوصلني بهالسرعه 😀 ، توقعت يجي العيد وهي ماوصلت لاني طلبت بوقت يكون فيه ضغط طلبات *اول اسبوع برمضان* وغير كذا شركات الشحن برمضان يكون عندها ضغط كبير جدا ف ماتوصل الطلب بدري *هالسنه ارامكس مقلبت الكل وعيدو بدون شحناتهم*
⭐ نجمه ذهبيه لشي ان على هالخدمه فعلا اثبتو جدارتهم 😂
⚫ نجي للقياسات :
* الملابس نفس اللي اخذه بالسوق اخذته بالموقع بس تأكدت للاطوال بالمتر ، وضروري عندي اعتمد المتر بكل المواقع و كل القطع
* الموديلات الواسعه كنت اخذها اكبر من قياسي
* البجامات ، جربت نوع واحد من عندهم اللي هو الساتان و اخذت ميديم اكبر من قياسي وجات بالضبببط مقاسي ، يعني لو حبيتها شوي اكبر كنت اخدت لارج ، القطنيات اتوقع باخذ نفس قياسي يمول و اكس سمول لانها بتتوسع مع الاستخدام
* الاطفال لاتعتمدين قياسات الموقع خذي بالمتر ، طلبت قطعه وحده لاختي 10 سنوات و اخذت لها اكبر قياس من 11- 12 سنه وبالضبط جاي قدها
⚫ وهنا طلبي وصل
التغليف ممتاز جدا كل قطعه بكيس
{ الملابس }
قماشها شيفون ، موديلها مره حلو ، نسقتها بهالتدوينه : هنا
اخذتها مقاس ميديم لان السمول و اكس سمول كانو مخلصين كويس مقاسها لانها اصلا واسعه بس لاني مركزه بزياده خياطة الاكتاف نقققطه نازله شوي للانها ميديم صرت افكر اطلب المقاس الاصغر منها لاني راح اكرفها كثير 🙇
رابط القطعه : هنا
نفس الشي قماشها شيفون ، لونها حلو وخياطتها نظيفه ، جايه بالضبط حدود الخصر
مقاسها سمول 👍
رابطها : هنا
بلوزه هاي نك (برقبه) ، اسود بفضي ، ماسكه ع الجسم ونهاية الاكمام قصة الجرس ، مره رايقه هالبلوزه ومناسبه لكثير تنسيقات
رابطها : هنا
تنوره جلد
مناسبه اكثر للشتاء ، خامة الجلد تعتبر ممتازه ماهي خفيفه مره ، ع سعرها بطله 30 ريال👍
رابط القطعه : هنا
بجامه ، خامتها ساتان لونها رايق ، انيقه جدا ، اخذت ميديم وجاي بالضبط مقاسي ف كبرو مقاساتكم لهالنوع من البجامات ، بالعاده اسعارها مرتفعه هالموديل لكن اخذتها اقل من 40 ريال و اكيد ناويه اخذ غيرها
رابط القطعه : هنا
{ للاطفال }
{ الاكسسوارات }
اكسسواراتهم اشكالها راقيه و اسعارها بطله ، بعضها بسرعه يخرب بس ع سعره حلو , كلهم اخذتهم بأقل من 10 ريال
اساور سودا ، تجي اربعه مع بعض ، حجمها كبيير ع انها اساور ف البسها خلاخل ، واحد منهم انقطع قبل استخدمه 😀
رابط القطعه : هنا
سلسال و اسوارة الصدف ، يجون مع بعض بسعر 6 ريال ، كنت مره متحمسه لهم للصيف ، بس للاسف الاسواره مررره كبيره ع يدي ف بلبسها خلخال و ادور لي مقاس مناسب ليدي 🙄
رابط القطعه : هنا
اسوارة الخرزه ، احب مره اساور الخيوط الناعمه ، من اخذتها وهي مافارقت يدي ، خيط فوشي وفيه خرزه زرقا ، جا واسع مره فكيت العقد وقصيت منه شوي ورجعت ربطتها وصار تمام ع يدي ، اخذته ب 4 ريال
رابط القطعه : هنا
خواتم فضيه ، تجي خمسه مع بعض اشكالها نجوم وهلال ، باللبس حلوين مره وممكن توسعينهم وتضيقينهم
رابط القطعه : هنا
حلق ورده ، اجمل شي اخذته ♥ جدا بطل شكل ولون ، اللي ماتحب الحلق الثقيل ماراح يعجبها لانه ثقيل شوي
رابط القطعه : هنا
حلق فضي ، حجمه متوسط ، لمعته مره حلو ، احسه اساسي يكون بدولابي لانه ينلبس بمناسبات و غيرها
رابط القطعه : هنا
احزمه ، اخذت اثنين واحد عريض جلده قاسي بحلقه ذهبيه والثاني ناعم، نحيف و جلده لين وفيه كريستالات فضيه
الاحزمه من الاكسسوارات اللي البعض يغفل عنها لكن من وجهة نظري اشوفها مهمه تكون موجوده بدولابك
الذهبي : هنا
الفضي : هنا
طلبي الثاني كان بنوفمبر وقت تخفيضات البلاك فرايدي 2019 وتأخر شوي كم يوم بسبب الضغط ع الموقع , كانو كاتبين تنبيه ان الشحنات بتتأخر
طلبت بتاريخ 2\12 انشحن بتاريخ 6\12 استلمته بتاريخ 12\12
وصلني الطلب مع شركة ناقل وخدمتهم ممتازه
الاسعار اللي ذكرتها هي الاسعار النهائيه اللي دفعتها , بعد استخدام الخصم
كود خصمي : fm15
{ طلباتي }
طلبي الثاني كان بنوفمبر وقت تخفيضات البلاك فرايدي 2019 وتأخر شوي كم يوم بسبب الضغط ع الموقع , كانو كاتبين تنبيه ان الشحنات بتتأخر
طلبت بتاريخ 2\12 انشحن بتاريخ 6\12 استلمته بتاريخ 12\12
وصلني الطلب مع شركة ناقل وخدمتهم ممتازه
الاسعار اللي ذكرتها هي الاسعار النهائيه اللي دفعتها , بعد استخدام الخصم
كود خصمي : fm15
{ طلباتي }
جاكيت شتوي
ميته عليه مره ومتحمسه اسوي عليه تنسيقات , خامته مره حلوه كل شي فيه كويس ومقاسه ممتاز
رابط المنتج : هنا
بلوزه اورقنزا
حلوه بس بزياده كبيره , مو مقاس لكن موديل اكمامه منفوخه والفيونكه اللي تنربط بعد كبيره ادري القماش ماينفع يكون ضيق لانه يحك الجسم بس اتكلم عن موديلها
بس بشكل عام حبيتها
رابط القطعه : هنا
هالكياته تجنن , طولها ع حدود الخصر ومره مرتبه باللبس
رابط المنتج : هنا
تيشيرت ابيض ساده , قصته مرتبه وخامته يابنات مرره حللوه ورخيص وشي اساسي بدولاب كل احد
رابط المنتج : هنا
بلوزه صوف موديلها واسع , لونها كركمي وخفيفه مو ثقيله ابد
رابط المنتج : هنا
تنوره مكسره , خامتها ثقيله وفخمه انصدمت منها صراحه
لونها خيالي ومرتبه باللبس
رابط المنتج : هنا
اخذت مجموعه من البجامات الساتان بعد ماجربت وحده منهم بالعيد
مره حبيتها ومرتبه باللبس وماتغيرت مع الغسيل , اسعارهم ماتزيد عن 35 بعد الخصم واشوفها مره ممتازه سعرها
المقاسات جربت سمول وميديوم ولارج
من فوق :
1- الوانها تجنن ورايقه مره , اخذتها لارج وشوي واسعه بلوزتها , رابط القطعه : هنا
2- غير عن الموقع الوانها غامقه وخامتها شوي جافه, ميديم وجايه بالضبط مقاسي , رابط القطعه : هنا
3- تجنن تجنن تجنن لونها عودي غامق وكحلي , شي مرتب صدق وخامتها ممتاازه وقعت بغرامها , اخذتها سمول وبالضبط المقاس , رابط القطعه : هنا
4- كمها نص , قماشها حرير نااااعم وطايح مره , اخذتها ميديم , رابط القطعه : هنا
5- بجامة الكريسمس , مره كيوت كلها رسومات رأس السنه و الوانها حلوه , مقاسها بعد سمول وحلو , رابط القطعه : هنا
حمالات للصدر تجي طقم البيضا والرماديه والسودا اخذتها لوحدها بس طلعت نفسهم
شفت عليهم مدح كثير وسعرها ممتاز وطلبتها , خامتها يمكن بوليستر او نايلون ومعها حشوه داخليه تقدرين تطلعينها
حلوه للبيت او تحت التيشيرتات مريحه
طلبتها للاستخدام اليومي , حلوه بس مو حق كرف و احسها بتنهري بسرعه
الحشوه الداخليه حقها ماتطلع
رابط المنتج : هنا
برا رياضي
موديلها حلو لكن مقاسها واحد و احسها واسعه مو مشدوده ع الجسم ومامنها مقاسات
رابط المنتج : هنا
مشد للظهر والاكتاف
كنت متحممسه له بس مره يقهر واسع علي , تمنيت فيه حزام للتضييق لكن مافيه ومضطره اضيقه عند الخياط او ادور غيره
رابط المنتج : هنا
طقم جوارب
حبيتها لاني ادور اللي يكون من الكاحل مرتفع شوي , اتوقع بتكون صغيره للي رجلها مليانه او مقاسها فوق 39
حلوه بس تمنيت الوانها حياديه , لكن سعرها ممتاز مره 7 ريال
رابط المنتج : هنا
اسعارهم اقل من عشرين ريال
اللي باليمين جلدها و الوانها حلوين بس للاسف خفيفه ومايدخل فيها الجوال
رابط المنتج : هنا
السودا مره حلوه مقاس الجوال وتكفي شي معاه و لها جيب خلفي لكن الستراب حقها سلسله و احس بتصدي بسرعه
ركبت لها سير من عندي ومره طالعه جميله
رابط المنتج : هنا
شنطة الموسم
اعتبرها احلى شنطه شريتها هالسنه , تاخذ العقل
صغيييره ماتكفي الا روج وعلك بس ت ج ن ن , جلدها ولونها حلوين , مره تضيف للبس وتحليه
لها سير طويل وصغير , متأكده بتحبونها وتخلصونها من الموقع
رابط المنتج : هنا
حزام
اخترت هالدرجه لانها تناسب اغلب الملابس , موديله منه وفيه له فتحه تدخلينها منه وخلاص
مره مره جميل وحلو يكون عند كل وحده يفك ازمه
رابط المنتج : هنا
اخذت هالاسوارتين مره حلويين خصوصا الموف شي خيالي وسعرها 4 ريال بس
رابط المنتج : هنا
اللي جنبها خلخال مره جميل ونعوم واحلى شي مافيه سلاسل ولا شي يغير لونه , سعره 4 ريال
رابط المنتج : هنا
الخاتم جودته ممتازه ومايتغير لونه ولمعة الكريستالات تجنن , سعره 6 ريال
رابط المنتج : هنا
الخاتم اللي فوق فكرته مره حلوه يتوسع ويتضيق حسب الاصبع
رابط المنتج : هنا
مجموعة خواتم فضيه , حلوين بس احس بيتغير لونهم
رابط المنتج : هنا
الاساور الورود مره كيوت بس خيوطهم كبار مره ف مضطره افكهم و اقصهم و اعدل ربطتهم
رابط المنتج : هنا
*
*
بكذا انتهت تدوينتي ، اتمنى كانت شامله و الشرح وافي
لو عندكم اي سؤال او تجارب اكتبوها لي بالتعليقات
سلام ~
جميل جدا
ردحذف