اجهزة تنظيف البشره ( الفرش & جهاز الفوريو ) ~

السلام عليكم ورحمة الله وبركاته 

من المواضيع المهمه جدا تنظيف البشره و العنايه فيها 

وطبعا في ظل الوضع الحالي بأجهزة البشره كل فتره يطلع شي جديد حابه اليوم اتكلم عن بعض الاجهزه اللي جربتها في تنظيف البشره , نهاية كل ريفيو بتلاقون السعر ومكان الشراء

بالصوره 4 اجهزه كلها بتكلم عنها بالتفصيل 

*ملعومه* استخدامي لاجهزة التنظيف فرق معاي كثير بتنظيف البشره ف احس صار لازم يكون عندك فرشه او اسفنجه تنظفين فيها بشرتك لان التنظيف باليد مايفيد 

كلها نفس الاستخدام ابلل وجهي و احط الغسول عليه او على الجهاز و ابدا انظف 

نبدأ شرح

الجهاز اللي استخدمه لي سنه 

مميزات الجهاز : 

* له قاعده يوقف عليها

* بالشحن مو بالبطاريه , وشحنه يطول تقريبا فوق الشهرين اذا بتستخدمينه بشكل يومي لمدة دقيقتين 

* معاه فرشه اضافيه ناعمه و اسفنجه > شوفوهم بالجهاز السماوي 

* له قوتين انا دائما استخدم الثانيه ماتعتبر قويه بس اسرع من الاولى 

فرشة الجهاز السماوي لو لاحظتو من جذورها اصفر هذا الغرا حقها وبعض الشعيرات طاحت للاسف 

ف الاشياء السلبيه بهالاجهزه ان فرشهم الغرا حقها يطلع & ناعمه بزياده , وممكن بعضها عند الاستخدام تتوقف اذا لامستيها ببشرتك بقوه 

بالنسبه لاستخدامي له بشكل شبه يومي احيانا وطبعا استخدمه اذا كنت حاطه مكياج 

الفرشه الاساسيه ماحسيتها قاسيه بالعكس ناااعمه , فرش جهاز الكلارسونيك عليها سمعت انها تركب عليها 

 نظافة البشره جزء جدا مهم عشان تتقبل المنتجات والمكياج , حتى لو ماكنتي حاطه مكياج بالدوامات والحر البشره بتتكون عليها طبقه من الغبار والاوساخ ف مهم جدا شي يزيلها 

سعر الجهاز مايزيد عن الستين ريال والسماوي حدود الثلاثين ريال وترا كلهم نفس بعض بس يختلف السعر 

طلبتهم من موقع جولي شيك 

رابط الجهاز السماوي : هنا 

جهاز ثاني بعض البنات عندهم وصار متوفر بمحلات تجهيز المشاغل 

* الجهاز بالبطاريه 

* حجمه اصغر من اللي قبله بكل  شي حجمه وحجم فرشته 

* معاه خمس انواع تتركب عليها , لمساج الموجه والثانيه كأنها مبرد وثنتين اسفنج 

* فرشته انا ناسبتني حسيت شعيرتها اقسى من اللي قبل 

بس بشكل عام تنظيفه مو مره عجبني 

الملحقات الثانيه اللي معاه ماحسيتها مهمه 

والبطاريه فيه تخلص بسرعه 

سعره 15 ريال , من جولي شيك 

رابط الجهاز : هنا 

اخر جهاز فكرته غير عنهم كلهم هو جهاز من شركة ( فوريو )

الجهاز سيليكوني , تنظيفه جدا لطيف ع البشره و هو اللي صرت استخدمه بشكل يومي اذا كنت مو حاطه مكياج *خصوصا المكياج الثقيل 

الجهاز يشتغل بالاهتزاز (الذذبذبات) 

اللي عندي الحجم الصغير * غير قابل للشحن , وبس فيه 100 استخدام بعدها خلاص تتخلصين منه 

في منه الحجم الكبير بالشحن 

حلو للسفر , وحبيت انه سليكوني ف انظف كثير من الفرش >> لان الفرشه تحتاج تعقيم وماتنشف بسرعه 

طبعا انا ماخلصت الـ 100 استخدام اللي فيه , وحتى اذا خلصتهم بشتري جهاز تنظيف للبشره سليكوني 😋

هل انصح فيه , نعم وبقوه

للبشرات الحساسه والجافه بيكون مثالي لهم * بس لاحظو انا استخدمه اذا ماكنت حاطه مكياج او مكياج خفيف * لان تنظيفه بعد المكياج مو مره قوي ويبقى بقايا للمكياج ف افضل اذا كنتيي حاطه مكياج بعد ما تمسحينه تستخدمين الفرشه  او الاسفنجه

السيليكون احب استخدمه بشكل يومي ف بالتالي انا انصح فيه للي تشتغل بالبيت او اللي تداوم بالمدرسه بيكون  مناسب لها 

الحجم الكبير منه موجود بصيدلية وايتس سعره اذا ماكنت غلطانه بحدود 900 ريال ومنه انواع , والحجم هذا الصغير 100 ريال تقريبا وموجود بموقع نمشي

اخيرا انا افضل السيلكون لانه انظف ومايلقط بكتيريا ماصرت اميل للفرش مع انها تنظف اعمق 

*

*

*

بكذا انتهت تدوينتي , انتظر تعليقاتكم تحت اكتبو لي ايش الاجهزه اللي تستخدمونها لتنظيف بشراتكم 

و اكيد لي عوده بجزء ثاني مع اجهزه اخرى ان شاء الله 

وشكرا ~