Cozy day | يوم بيتوتي ~ مشروبات دافئة : طريقة التلبينة النبويه , مشترياتي من شوب بوب و اكثر

السلام عليكم ورحمة الله وبركاته

اغلب اوقات الشتاء تكون ليل طويل هدوء وجو بارد🌦️ خمول و تقوقع بزاويه لطيفه، برغم طول الليل الا اني متمسكه بقومة الصبح ولايمكن انجز بالليل او حتى استرخي بقد الصبح 🐼

حبيت اشارككم جزء من يوم لطيف اتمنى توصلكم مشاعر هالتدوينه و بتكون فيها مشتريات بسيطه اخذتها من موقع شوب بوب هالشهر للان تخفيضاتهم مجنونه ومستمره لنهاية نوفمبر وحاليا بدت تخفيضات البلاك فرايدي 🎈

تقدرون تستخدمون هالكود يخصم لاغلب منتجات الموقع { SHOP20 }

تدوينتي ماراح تحمسك ع الحركه بالعكس بتساعدك كيف تعدلين جلستك وتسترخين اكثر  🍂

حضن الاعتكاف 🎪

ركن كنبه او زاوية سرير او جلسة ارض رتبتها لتكون هي الحضن اللي اكون طول يومي فيه و اخلص شغلي او اتفرج ع اللاب

غالباً بتكون معي بطانية ناعمه برائحة دافيه هي اللي تحتضن جسمي و خداديات عشان الجلسه تكون مريحه اكثر وشمعة و اكيد بجهز ستاند للاب و سماعات و شاحن للاجهزه عشان ما اقوم كل شوي 😅🌫️

ببدأ يومي بلبس مريح واخترت هالتريننق اللي اخذته مخصوص للايام اللي ابي ارووق فيها، و لا مانع البسه بجلسة عائليه او جمعة صديقات

الوانه محايده و خفيف مو ثقيل ف مناسب جدا انه يكون لبس ليوم زي كذا اللي ماودك تبقين ببجامتك ولا ودك تلبسين شي اوفر

اخذته من شوب بوب وخذو اكبر من قياسكم عشان يكون مريح وشوي واسع تلاقونه: هنا

احب المشروبات بكل أنواعها مع الفطور متعوده اشرب شاهي عدني 

 و مشروبي الشتوي المفضل هو السحلب لذيذ و يدفي وكل العائله تحبه ☕ جربو تصنعونه لاطفالكم وخلوهم يزينونه بالاضافات اللي يحبونها

اسهل طريقه تسوونها للسحلب جهزيه باودر و كل ما اشتهيتيه مجرد ملعقتين على كوب حليب وتلذذي فيه *لاتنسون بالبرد نجوع كثير و نتكاسل نتحرك ونطبخ ف هالحركه بتختصر لك خطوات*

طريقة بودرة السحلب اخذتها من فيديو ايه تلاقون قناتها هنا :

٢ ملعقة كبيرة نشا نصف كوب من الحليب المجفف نصف كوب سكر بودرة نصف كوب جوز هند نصف كوب أرز مطحون نصف ملعقة صغيرة ڤانيليا و مستكة بودر ملعقة صغيرة قرفة

التلبينه النبويه 🖤

مشروب او اكله ثانيه مدفيه وجدا جدا ذكرت في السنه النبويه و اوصى بالتداوي بها الرسول عليه الصلاة والسلام 

مغذيه ومناسبه للنباتيين ولكل الاعمار وحتى اللي يتبعون بعض انظمة الدايت لان اساسها الشعير

 وطريقتها مرره سهله 

مفيده للمعده والقولون والعظام وحتى بعض حالات الإكتئاب والنفسيه سبحان الله , وتتحكم بنسبة الانسولين في الدم ف مفيدة لكبار السن في حالات ارتفاع او انخفاض السكر وتحتوي على عدة معادن مضادة للاكسده اهمها المغينيسيوم والبوتاسيوم ، اعتمدتها برمضان على الفطور وفعلا مشبعه شاركتها معكم هنا

طريقتي فيها :

على كل كوب حليب او ماء ملعقتين دقيق الشعير *تلاقونه عند الطاحون*

تخلينهم على نار هاديه لعدة دقائق لين تثقل شوي وخلاص جهزت عندك 

ممكن تضيفين لها عسل , سكر , قرفه , ماء ورد , زبدة فول سوداني تعطيها نكهة لذيذه ودافيه 

الخيار مفتوح لك اي نوع حابه تضيفينه حتى لو قطعة شوكليت او مكسرات 

بعد ما سويت مشروبي برجع لركني الدافي وياسلام لو كان اليوم ماطر🌧️ 🌂

العنايه بالبشره مو بشكل يومي يمكن بالاسبوع او الاسبوعين مره لكن اخذت لي هالرول للبشره عشان وانا اتفرج او مسترخيه امسج بشرتي وبدون اي مجهود لا غسيل ولاشي 🙈

هي عباره عن حجر بجهتين للبشره و الرقبه الجهه الصغيره للهالات والانف المميز فيها الحجر بارد ع طول مجرد تمررينه ع بشرتك ياخذ حرارة جسمك

فائدة هالرول يساعد على تحريك الدوره الدمويه و شد البشره و التقليل من الخطوط فيها، من تجارب ناس اخرى لها لمدة طويله ساعدت على تحديد الفك و الخدين

اخذتها من شوب بوب تلاقونها : هنا

لو دخلت اليوتيوب او بدأت اتفرج مسلسل ما احس بالوقت و اكمل واحد ورا الثاني ف من فتره طويله اشتريت هالنظاره لحماية العين من الاشعة الزرقاء الصادره من الاجهزه بتلاحظون انعكاس الاشعه على العدسه

اذا شغلي طويل احب البسها و تخفف لي من الحرقان و الاجهاد على عيني، هي مو حل ولا مبرر اننا نستهلك وقت اطول على الاجهزه لكن بيوم زي كذا احب اخصصه لمسلسل او قنوات يوتيوب حلو نطلع منه بأقل الاضرار 🤓 وحلوه للاطفال بعد بما ان دراستهم اون لاين ووقتهم اطول على الجهاز ، لو بجهازك خاصية حماية البصر ترا النظاره نفس فكرتها عدستها على اصفر

رابط النظاره : هنا

مع بلانري للتخطيط وكتاب لو حبيت اطول الجلسه و مشروب لذيذ يبدا وقتي بالاستمتاع 🖤

بعد ساعات من التحلزن 🐌 صار وقت انفض الكسل و اتحرك واقابل العالم *في الحركة بركة*

زيارة شخص قريب بشكل مفاجئ  👀 اكيد ماراح اغير لبسي بس بأضيف له اكسسوارات تخلي اللوك ارتب اكثر 

حطيت مناكير غامقه وسكارف مخمل ، لبست اسوارتي الجديده شوفو جمالها

احب الاساور الخيوط مره لان معصمي صغير ف ما الاقي مقاس مناسب والخيوط افضل خيار

 الحلو بهالاسواره انها كاجوال ومطعمه بالكريستالات والخرز 💛

رابط الاسواره : هنا

ولبست هالسنيكرز من بوما، من فتره وخاطري بشوز فاتح يناسب كل شي ولقيت هذا بالتخفيض سعره ١٤٠ ريال وشكله حلو ماترددت اطلبه

طبعا مو للرياضه خفيف قماشه من فوق ومايكتم الرجل اخذت نفس قياسي

رابط الشوز : هنا

وهاذي فائدة التريننق او الملابس المريحه اللي تكون طقم او مافيها تفاصيل كثير

تلبسينها بيومك انتي مرتاحه فيها و اذا احد جاك بإضافة بسيطه لها يصير لوكك حلو بدون تكلف 😎

نهاية اليوم بجامه دافئه اخذتها هدية لعيد ميلادي ببداية السنه 

رسوماتها كلاب وتغليفها مناسب يكون هديه البراند كله متخصص بملابس البيت تجنن بجاماتهم , قماشها قطني 100% 

تلاقونها : هنا

لكل وحده وصلت هالجزء ممتنه لك  💛 بكذا انا وصلت لنهاية يومي ولاتترددين انك تخلقين لنفسك وتكافئينها بيوم دافئ او حتى جزء من يوم

اكيد بكون سعيده لو شاركتوني كلامكم او اجوائكم هنا او على الانستا

وهنا بعض مفضلاتي من موقع شوب بوب :

مخدة للرقبه و السفر تلاقونها بقسم المنزل و فيه اشياء تجنن للتنظيم و الديكور

الرابط : هنا

يجنن هالطقم ورسوماته حلوه 

الرابط : هنا

من براندات البجامات الحلوه بعد 

الرابط : هنا 

واكيد هذا بعد بجامات و ارواب 

الرابط : هنا 

هذا جميل مره للشتاء على بجاماتك او حتى فوق العبايه او تسوين فيه تنسيق او تهدينه لامك 

الرابط : هنا 

من توري بورش اغرمت بهالشنطه ولونها مره , و اساورهم الخيوط حلوه مره 

الرابط : هنا 

هذا الشوز اللي من مفضلاتي احسه استثمار يناسب يكون كلاسيك وكاجوال و مع فساتين والعبايه 

الرابط : هنا

سلام 🕊️