كالعاده قطعه جديده اضفتها لهالهاشتاق#حللي_لبسك نسقت عليها تقريبا 6 تنسيقات مختلفه تماما عن بعض
الفستان موديله كيوت مره وجميل خامه و شكل مشكلته قصير بزياده تقريبا طوله 80 سم >> نص الفخذ تقريبا وانا مايعجبني الطول ذا🙄 ممكن يناسب اللي اعمارهم مابين 10-16 سنه 🤔
طلبته من فتره طويله شوي من موقع جولي شيك للاسف الفستان مخلص من الموقع ف بحط لكم واحد مشابه له و اذا توفر برجع اضيف الرابط , شوفوه >> هنا
الفستان الاصلي >> هنا
قماش الفستان ثقيل شوي ف طالع مرتب باللبس خصوصا مع الياقه البيضا ، القصيرات بيحبونه كثير ، بالنسبه لي طوله مزعج شوي وغير مريح بما انه يعتبر واسع ف اللبس بس بالتنسيقات القادمه بحاول الاقي حل للطول 🤔
،
،
اغلب التنسيقات بتكون كاجوال لهالفستان الكيوت ❤ ، اضفت قميص كاروهات ع الخصر مع صندل ابيض ، وممكن مع سنيكرز ابيض وشراب طويل مخرم بيطلع بططل👌🙊
القميص : هنا
الصندل : هنا >> جودته مو حلوه مره خفيف
الشنطه : هنا
هالتنسيق مرتب جدا باللبس اضفت فيست بيج بطول الفستان تقريبا ، مع شنطه بنفس اللون 💘 ، ممكن تضيفين تايت اسود او شراب طويل مخرم 😍
الفيست : هنا
الشنطه : هنا >> تشبه لها
ادري الاغلب يمكن مايحبونه بس حلو تاخذين الفكره وتطبقينها ع اشياء ثاني عندك طبعا تفرق الاجسام و الاقمشه في بعضها تناسب انك تلبسينها فوق او تحت بعض وبعضها ماينفع 🌚
،
،
اضفت تنوره مكسره تحت الفستان ف طالعه زي الفساتين الكاجوال اللي نزلت قبل فتره ، ممكن تضيفين تنوره تُل او دانتيل كلها مناسبه 👌
،
،
كتغيير اضفت كلاتش بنفس الوان اللبس و كعب ابيض مع اني افضل يكون شوز سبورت 😂
الشنطه : هنا
الشوز : هنا
هنا اضفت تحته شيفون ابيض 😏
،
بعض البنات ما استصاغو الفكره او التنسيق بهالطريقه وانا متفهمه هذا الشي مو اي وحده تتقبل هالنوع من التنسيقات بس طبعا الاذواق مختلفه والطريقه هاذي باللبس موجوده من فتره وكثير يسوونها خصوصا من ازياء الشوارع عند الغرب 😍 ، ع العموم فكرة تنسيقاتي احاول انوع فيها عشان تناسب الكل، هالحركه تحت الفستان ممكن تطبقينها بأي شي عندك ويطلع اجمل من المتوقع 😉 خصوصا الدانتيل و التل تعطي شكل اجمل ، بس انا حطيت الموجود عندي 😁
الشنطه : هنا
الكعب : zey
هالتنسيق فيه كثير من ذوقي باللبس، عملي ومناسب للمحجبات وللسفر او ممكن دوام ❤
،
،
قصة الفستان عاديه ف سمحت لي اني اخليه ك بلوزه، اضفت تحته بنطلون ضيق مخطط، فوقه جاكيت بنفس طول الفستان 👌 ، واخيرا الشنطه ع الخصر معطيه اللبس جمال اكثر 😍
،
،
الشنطه : هنا
الشوز : هنا
الجاكيت : هنا
اللوك كاجوال ، طفولي شوي بسبب موديل الفستان ، اضفت عليه تنوره ميدي مع شوز سبورت 👀 ، الشنطه الوانها شوي ملفته موف و اصفر 💛💜 ،
،
الفستان و اغلب التنسيقات عليه ممكن تناسب العمر المحير ( 12،13...16) 😁
،
التنوره : فيمي ناين
الشنطه : هنا
النظاره : بيس اكس
*
*
انتهت تدوينتي اتمنى عجبتكم او الهمتكم التنسيقات , اكتبو لي ايش اكثر تنسيق حبيتوه
اشوفكم بتدوينه قادمه وشكرا ~💗
ليست هناك تعليقات:
إرسال تعليق