السلام عليكم ورحمة الله وبركاته
هالفتره طلبت من كذا موقع وكان اخرهم موقع سوق كوم
والمفاجأه انه اول طلب وصلني بوقت قياسي جدا
ع كثر ماسمعت سب من الناس لهالموقع وتعاملهم قررت اجرب بنفسي وللامانه استبعدت ان الشحنه توصلني بأقل من اسبوع
طلبت يوم الخميس قبل امس و تم التأكيد والشحن بنفس اليوم .. السبت وصلتني رساله اليوم السبت من شركة الشحن كيو اكسبرس وبعدها بساعتين تقريبا كلمني مندوب التوصيل عندهم و استلمتها .. يعني مدة مابين الطلب والشحن يوم فقط ♥
طلبي كان ديرما رول للبشره ~
للامانه خدمة الموقع جدا رائعه ابد ماتوقعت هالسرعه بالتوصيل .. واكيد يعتمد على تقييم البائع انا اخترت بائع تقييمه فوق التسعين
طبعا بتلاحظون الفرق بالاسعار من بائع لبائع وصور بعض المنتجات بالنسبه لي باين انها مو اصليه .. بس الموقع يقول لو الشحنه مو اصليه بلغيهم وبيرجعون لك المبلغ ويقفلون حساب البائع
بس زي ماقلت اختاري البائع اللي له تقييم عالي ~
*
*
*
طريقة الطلب اختاري اي منتج اضيفيه للسله
وبيوديك ع طول للعربه
بعدها بتطلع لك صفحه لتسجيل الدخول اذا عندك حساب بالموقع او اذا ماعندك اختاري سجل الان و عبي بياناتك
يوديك صفحة تأكيد الطلب والدفع عندهم اكثر من وسيله .. عني انا اخترت الدفع عند الاستلام و اضاف لي 17 ريال رسوم هالخدمه
واخيرا تأكدين الطلب .. بعدها شيكي ع ايميلك ورسائل جوالك اذا انشحنت بيرسلون لك
* معلومه مهمه : لو اشتريتي اكثر من منتج من اكثر من بائع بيكون الدفع والشحن لكل طلب لوحده >> وهذا عيب بالنسبه لي ان الموقع ماعنده خاصية التجميع
وبكذا انتهت تدوينتي وتقييمي لهالموقع .. لو عندكم اي سؤال اتركوه لي تحت او جربتو مواقع ثانيه للطلب اكتبوها لي تحت
وشكرا ~
أول موقع أطلب منه و اكثرهم الحين خاصيه عدم التجميع العيب فيه و احيانا يوصلون الطلب غلط صارت لي كم مره بس ما اتوب و اطلب من الموقع
ردحذفناس محترمه وسرعه توصيل وبيختاروا المنتج بعنايه
ردحذف