السلام عليكم ورحمة الله وبركاته
العيد قرب ف قلت بنزل لكم المواقع اللي جربت اتعامل معاها ممكن تفيد البعض يقضون منها للعيد
موقع مانقو MANGO
جدا سهل الموقع وتعاملهم رائع والاحلى عندهم سياسة الدفع عند الاستلام & شحن مجاني اذا طلبك تجاوز 200 ريال
والاجمل من ذا كله كل فتره يسوون تخفيضات احيانا ماتكون بمحلهم هنا
*
*
*
نبدا اول شي بطريقة الطلب بعدها مشترياتي وتجربتي مع الموقع ~
تحطين اللي يعجبك بالسله تسوين شيك اوت
زي اي موقع يطلب منك تسجيل >> دخلي بياناتك المطلوبه >> بعدها عنوانك >> يوديك ع السله حقك
تختارين طريقة الدفع وطبعا عندهم الدفع عند الاستلام (كاش ديلفري) بدون رسوم واذا تجاوزت مشترياتك 200 ريال مجانا الشحن اما اذا اقل يضيفون 29 ريال رسوم الشحن وتوصلك رساله الايميل فيها فاتورة طلبك بالكامل
واذا شحنو طلبك الشحن يكون ع ارامكس ف راح توصلكك رساله ع الايميل من مانقو برقم التتبع راح يكون قصير الرقم ومكون من حروف دخليه بتتبع ارامكس بعدها اضغطي ع الرقم اللي بيطلع لك وراح يظهر تتبع شحنتك
*
*
*
تجربتي :
من اجمل و اريح المواقع اللي تعاملت معها واكيد راح اكرر الطلب منهم مره ثانيه
طلبي كان فوق الـ200 ريال ف الشحن مجانا و اخترت الدفع عند الاستلام وماضافو لي رسوم لهالخدمه زي باقي المواقع والاحلى شحنو لي الطلب قبل مرور 24 ساعه
وهذا طلبي صلني بكرتون الماركه والتغليف جدا ممتاز .. بالضبط في 9 ايام اتوقع كان عندهم اجازه لان الشحنه من لندن مو من الشركه هنا
الفاتوره و كيس الاستبدال اذا كنت حابه ارجع غرض
طلبت شوز من اول مانزلوه وانا عاجبني اللون الابيض منه بس دائما سولد اوت ف في التخفيض سعره ممتاز صار ب 179 ريال وحاليا خفضو اكثر صار 129 بس مخلصه كل المقاسات *لووول* .. بالنسبه للمقاس نفس مقاسي العادي 39 وطلع مضبوط
بنطلون رسمي كحلي واصلني بالعلاق ومغلف بكيس .. بعد التخفيض ب 99 ريال .. مقاسات الملابس تجي تحت بالتفصيل ف الافضل قيسي بالمتر واختاري
اخر شي محفظتين للبطايق سعرها 19 ريال
وانتهت تدوينتي اي استفسار اتركوه لي تحت
وشكرا ~
اغراضك تجننننننن
ردحذف