السلام عليكم ورحمة الله وبركاته
كثير مننا تحتار اذا جات بتشتري استشوار او مملس للشعر
ويمكن من اهم الاجهزه اللي لازم تكون عند اي بنت ( مصفف الشعر ) بأي شكل و اي نوع
كل فتره ينزل شي جديد منها والاسعار تختلف في الغالي و فيه الرخيص
اليوم تدوينتي عباره عن تقييم لكذا جهاز للشعر
بداية احنا بكل عائلتنا نستخدم المجفف الهوائي
اللي الاغلب يستصعبه و بالنسبه لي مالقيت اللي يغنيني عنه للان
استخدامه سهل بكل ماتعنيه الكلمه بس يبغا له ممارسه
اعرف بنات كثير يحبون نتيجته بس يستصعبون استخدامه
ف زي ماقلت لكم يبغا له ممارسه عودي يدك على الفرشه والاستشوار
(تحديث 2021)
افضل جهاز عرفته بهالسنه هو استشوار هوائي من "جوي" 💛
فرشته منه وفيه، حرارته ممتازه جدا بالنسبه للاجهزه اللي نفس تصميمه يعتبر افضلهم وشعيراته ماتذوب بسهوله
مريح جدا وسهل استخدامه صرت اخلص شعري بنصف المده اللي كنت استهلكها بالاستشوار والفرشه العاديه، خصوصا اني صرت اكسل استشور شعري كثير لأنه طويل وكثيف وياخذ مجهود مني لاني احرك اليدين، بس هذا خلاص مايحتاج مجرد قلفز تلبسينه عشان تمسكين الخصله فيه لان حرارته عاليه
السلبيه الوحيده اللي فيه انه ماينفع تستخدمينه بشكل يومي لأنه يساقط الشعر بمجرد ماتخلصين تلاقين حفلة شعر بالغرفه وحرارته ماتناسب انك تعرضينها شعرك بشكل دائم بتهلكه 🤷
لكن كنتيجه نفس الاستشوار الهوائي بالضبط وبمجهود ووقت اقل 👏🏼 صدق صدق يفك ازمه انك ماتحتاجين لأحد يستشور لك
من تحت تشغلينه له ثلاث درجات و فلتر الهواء تقدرين تفكينه وتنظفينه
شعيراته حديد و بلاستيك سميك ف تتحمل الحراره اطول وقت ممكن 👌🏼 وتنظيفها سهل بأي فوطه او عود اذن تمسحينهم
تلاقونه بموقعهم الرسمي : joyprofessional.com
جهازي الاصدار الاول وحرارته 1200 واط، نزل اصدار ثاني بحراره اقل وميزة انك تستخدمينه هواء او بدون هواء فرشه حراريه اعتقد قوته 700
طلبتهم من هذا الموقع احترافي تعاملهم جدا ووصلني ثاني يوم : beautyinloveshop.com
اجهزتي القديمه من 2015 كتبت عنها ولازلت استخدمها
كان عندي اكثر من استشوار (هوائي) وكلها ممتازه ولله الحمد
اخر جهازين عندي اول واحد من ماركة بيبيليس
قوته : 1700 واط
ينفع للشعر المتوسط النعومه والمنكوش
تعتبر قوته او حرارته قويه نوعا ما
فيه زر ينضغط او يتحرك لثلاث مرات
ممكن تزيدين الحراره
او تخلينها متوسطه
او الهوا يكون بارد >> تنفع لتجفيف الشعر بعد الشاور ولو اني افضل ينشف لحاله
مره كويس وعاش معانا فتره طويله فوق الاربع سنوات
بعدها للاسف كنا مسافرين كان بالشنطه ف اللي نزل الشنطه حطها او طاحت عليه ف الجهاز تأثر
وصار حرارته مو قويه بس حق تمشية حال
سعره مو غالي اتوقع مايعدي الميتين وموجود بإكسترا
*
*
*
*
اضطرينا نشتري جهاز جديد والنيه كانت من نفس الماركه اللي هي بيبيليس
بس بقدرة قادر وبالصدفه اخذنا من ماركة سوبر باور
قوته : 3200 واط
مررره قويه اقوى من اللي قبل
له نفس الازرار تتحكمين بالحراره
ينفع للشعر الكيرلي مره والجاف اللي يعل مايتسشور زين
بس يبغا له حذر لان مره استشورت فيه وحرقت خصله من شعري >> ابد ما انسى هالموقف
وهذا الشي السلبي فيه مره قوي يبغا له سرعه وخفة يد مو تعلقين ع الخصله وتقربينه منها لحد ماتنحرق وتطيح
بس فعليا مره كويس وسعره 170 ريال
موجود بمحلات اجهزة الشعر
الشعر الجهاز الاخير مملس & فير
بيبيليس برو ستايل ديو >> ادري علقنا عليها بس جد بعض اجهزتها ممتازه
اخذته وقت التخفيض من اكسترا ب 110 ريال
الجهاز كويس للي شعرها خفيف وناعم او طايح
يحتر بسرعه تشغلينه من الزر اللي ع اليمين و تقدرين تتحكمين بحرارته من العجله او الشي اللي يدور تحت وفوقه الارقام من 1 الى 25
اذا تبغينه مملس حركي الزر اللي فوق وينفتح لك
بالنسبه للمملس حسب نوعية شعرك ممكن من ثالث اعاده ع الخصله خلاص يعطيك النتيجه المطلوبه ستريت
مشكلته ماياخذ خصله كبيره و بما ان شعري كثيف ماحبيته من هالناحيه ماحسيته يخدم
يعني لو كنتي مستعجله وشعرك كثير راح ياخذ منك وقت على خصله خصله
الفير مو ذاك الزود اول شي لازم تقفلين المملس من فوق
الفير مايعطيك الويفي المطلوب من اول مره
حجم الويفي يكون كبير ف اللي شعورهم قصيره او اللي يحبون الويفي او اللفه تكون متوسطه او صغيره ماراح يعطيكم هالشي
وبرضو الشي السلبي فيه مامعاه قلفز يعني بيلسعك بكل مكان لان الشي الذهبي كله يحتر
نهاية الموجز اللي فوق حبيت المملس لو كنت ع رواق وماوراي شي
او لو ابغا شعري ستريت مره اعيد عليه بالمملس بعد الاستشوار
الفير حلو لاطراف الشعر يعطي ويفي عشوائي وطبيعي
بيبيليس برو ستايل ديو >> ادري علقنا عليها بس جد بعض اجهزتها ممتازه
اخذته وقت التخفيض من اكسترا ب 110 ريال
الجهاز كويس للي شعرها خفيف وناعم او طايح
يحتر بسرعه تشغلينه من الزر اللي ع اليمين و تقدرين تتحكمين بحرارته من العجله او الشي اللي يدور تحت وفوقه الارقام من 1 الى 25
اذا تبغينه مملس حركي الزر اللي فوق وينفتح لك
بالنسبه للمملس حسب نوعية شعرك ممكن من ثالث اعاده ع الخصله خلاص يعطيك النتيجه المطلوبه ستريت
مشكلته ماياخذ خصله كبيره و بما ان شعري كثيف ماحبيته من هالناحيه ماحسيته يخدم
يعني لو كنتي مستعجله وشعرك كثير راح ياخذ منك وقت على خصله خصله
الفير مو ذاك الزود اول شي لازم تقفلين المملس من فوق
الفير مايعطيك الويفي المطلوب من اول مره
حجم الويفي يكون كبير ف اللي شعورهم قصيره او اللي يحبون الويفي او اللفه تكون متوسطه او صغيره ماراح يعطيكم هالشي
وبرضو الشي السلبي فيه مامعاه قلفز يعني بيلسعك بكل مكان لان الشي الذهبي كله يحتر
نهاية الموجز اللي فوق حبيت المملس لو كنت ع رواق وماوراي شي
او لو ابغا شعري ستريت مره اعيد عليه بالمملس بعد الاستشوار
الفير حلو لاطراف الشعر يعطي ويفي عشوائي وطبيعي
يعني الجهاز في احلى منه بكثيير وماحبيت فكرة انه مملس وفير بجهاز واحد
ممكن يغنيك عن المملس بس الفير لا
*
وبكذا خصلت التدوينه متحمسه تشاركوني افضل اجهزتكم
سلام
ليست هناك تعليقات:
إرسال تعليق