شامبو & بلسم من Gliss

السلام عليكم ورحمة الله وبركاته 

اخباركم ؟؟ كيف كششكم مع الحر <:$

جبت لكم اختراع جميييل جميل جميل اجمل شي بالحياه 

مو من عادتي اكتب عن الشامبوهات والاشياء ذي لانها تفرق من شخص لاخر 

بس هالشامبو بالنسبه لي غير لان ف الفتره الاخيره عانيت مع شعري مو عاجبه شي ولا يتقبل اي شامبو

قطعت عن البلاسم بكل انواعها وحسيت هه كأنه تحسن شوي رجعت لبديل الزيت وحمام الزيت افضل من البلسم بكثير 

الشامبوهات لازلت اعاني معها مره يمشي الحال ومره تجفف شعري مدري كيف يناسبني فتره بعدها خلاص مايناسبني يتعود شعري عليه

*

*

*

*

*

بقدرة قادر شفت هالشامبو والبلسم من جليس بالحمام وجربت البلسم بدون الشامبو حقه >> بلا مبالاغه انصدمت من شعري بعد البلسم و لأول مره بلسم يسوي كذا بشعري رطوبه مررره جميله وخفيف ع الشعر مانشفه ولا صار متطاير ولا شي طبيعي مره 

استخدمته مع الشامبو حقه >> توي متروشه فيه وفرحانه بشعري 

اولا ريحته هو االبلسم مره لطيفه ذكرتني بشي بس مدري وشو 

حبيت الشامبو شعري هاجد مو متطاير ولا جاف زي كل مره حتى امي جربته ومره حبته مع ان نوعية شعرها غير عن شعري

حسيت لازم لازم لازم اكتب لكم عن هالشامبو لان كثير بنات نفس مشكلتي

*

*

*

*

الشامبو اصلا خاص بالشعر الجاف والمتقصف والتالف >> حسيت بس ناقص يكتبون اسمي ويحطون صورة كشتي

نوعية شعري جاف وكيرلي الشامبو والبلسم اعطوني ترطيب >> وبكذا وتخلصت من الجفاف وساعدني بتصفيف شعري

*

*

*

*

الشامبو والبسلم ماراح يعطونك شي واو بس راح يعالج المشاكل اهم شي تختارين نوعية الشامبو اللي تناسب شعرك لان منه انواع كثير 

اتوقع راح يكون من مفضلاتي العزيزه يستاهل التجربه انصح فيه وطبعا راح اجع اشتريه 

 نصيحه لازم تغيرين الشامبو كل فتره او وقت ماتستخدمين شامبو معين مثلا لمدة شهر استخدمي معاه شامبو ثاني لان لاحظت لو الشعر تعود ع شي معين مايعطي مفعول او نتيجه زي اول استخدام 

متوفر بالنهدي والسوبر ماركت
سعره مو غالي مايتعدى الثلاثينات 

اتمنى عجبتكم التدوينه و اللي لها تجربه مع اي نوعية شامبو او بلسم تكتب تجربتها تحت 

*

*

*

لو حابين تتواصلو معاي ايقونات التواصل فوق يمين الشاشه 

وشكرا ~