المجموعه الافريقيه ~ ♡

السلام عليكم ورحمة الله وبركاته

اليوم التدوينه عباره عن تقييم او تجربتي مع المجموعه الافريقيه ف يلا نبدأ ~

الصابونه الافريقيه

من اجمل منظفات الوجه اللي استخدمتها مره حبيتها استخدمها بشكل يومي

ماجففت لي بشرتي ابدا 

شفت عنها تجارب كثير وحسيتها تناسب كل البشرات محد ماناسبته

تنظف البشره من قلب ولاحظت ترطبها كمان

توازن الدهون ف البشره >> مثلا التي زون عندي احيانا يدهن كثير بس مع هالصابونه عادي يمر اليوم كله وما اشوف المنطقه ذي متدهنه

غير كذا  هي الشي الوحيد اللي لاحظت ماطلعت لي قشور بوجهي مع ان احنا بالشتا

ريحتها جميييله انا اكره ماعندي الصوابين القطع احس بعد ثاني استخدام خلاص يع مقرفه بس هاذي حاولت احافظ عليها

واذا تلاحظون حاولت اقطعها كم قطعه بس ماش تكسرت وتفتت شوي يادوب طلعت لي قطعه كبيره شوي ف خليتها كذا & لو غسلت فيها احاول ما ابللها كلها و اجففها بسرعه عشان ماتخرب

الشي الثاني الشاور جل

برضو حبيته مره مو شي واو بس كذا احس مرتاحه له يعني مافيه كحول او شي ممكن يجفف البشره

 ينظف اكثر من الشاورات جل اللي استخدمتها و من جد ريحته ت ج ن ن

فيه حبيبات للتقشير بس ماتسوي شي عادي وجودها زي عدمها

تقريبا نتيجته زي الصابونه لاحظت اثنينهم مايجففون البشره يعني احيانا ما احط مرطب لجسمي او وجهي وعادي احس هالشيئين قامو بالواجب

كرأي عام جميله المنتجات الاحلى انها عضويه ماراح تضرك وتقدرين تكتفين بشي واحد الصابونه او الشاور جل لانها نفس الشي

حبيت تجربتي معاها كمياتها كبيره لو خلصتها اكون خلاص مليت ابغا شي جديد اجربه ف ما اتوقع ممكن ارجع اشتريها اول م اخلصها الا الشاور جل ممكن اطلبه مره ثانيه بس الصابونه ما اتوقع او لو منها غسول ممكن اخذه >> لان جد فكرة الصابون القطع تجيب لي قشعريره

من وين طلبتها وطريقة الطلب تلاقونها هنا

وبس اتمنى حبيتو البوست لو حابين تتواصلو معاي الايقونات فوق يمين الشاشه

وشكرا ~♥