ريفيو ~ مجموعة مكياجي من بودي شوب

بسم الله الرحمن الرحيم

مجموعة مكياجي من ذا بودي شوب ،،

هالتدوينه كتبتها ف البدايه ع اساس مجموعة العيون بعدين قلت يلا ادخل الاشياء الثانيه الكويسه اللي عندي من بودي شوب عشان يصير الموضوع نوعا ما متكامل ،،

مجموعة العيون عندي هالمجموعه من زماااان و اشتريتها متفرقه كل واحد لحاله قبل تطلع مجموعتهم الجديده ،،

هالسنه طلعو منها مجموعه كامله ب 299 ريال او اقل فيها اكثر من شغله حسيتها جميله بدل ماتشتري كل واحد لحاله وتنفع هدايا ،،

انا اللي عندي كحل و ايلاينر وماسكرا ~

بما ان الدوامات قربت حسيت هالريفيو بيفيد بعض اللي يحبون هالمحل
برغم ان مكياج بودي شوب مو واو بس حاليا في تطور ملحوظ جدا وعندهم منتجات جميله فعلا ♥

نبدأ بالكحل القلم ،،

له رأسين كحل والثاني اسفنجه قويه شوي تساعدك اذا حبيتي تدمجين الكحل بزاوية العين وهكا ،، سواده عادي مو فاحم بس مو باهت وثباته برضو عادي مايسيح يعتبر ثباته حوالي ثلاث ساعات بعدها يبدا يخف ،، بالنسبه لي في افضل منه من ماركات ثانيه ~

الايلاينر مره مره حبيته سواده كويس



و الاهم راسه مو فرشه لا قلم بيكون سهل و سريع بالرسم ومو صعب ازالته >> انصح فيه للمبتدئات

الماسكرا مو ضد المويه هي اكثر شي عجبني وحسيتها من جد حلوه للاستخدام اليومي لان اللي ضد المويه حتتعب الرموش لو انحطت كم يوم

فرشتها جميله ماتعطي شكل مبالغ للرموش ،، تفرقها عن بعض وتعطي طول بسيط وكثافه طبيعيه لو حطيتي اكثر من طبقه ماراح تكتل معك ،، خفيفه ع الرموش وجميله للاستخدام اليومي ♥

بودرة الحواجب ،،



افضل منتج عند بودي شوب بلا منازع صديقتي الصدوقه البودره ذي سويت عنها ريفيو في الانستقرام و اعتبرها من مفضلاتي ،،

 
منها ثلاث درجات اللي عندي اغمق درجه ،، تجي لونين بني و اسود استخدم البني للحواجب ترتبها بشكل طبيعي ثباتها حلو مافيها اي عيوب الا فرشتها الغريبه خشنه وتناثر البودره ماتمسكها زين لازم تستبدلينها بفرشه ثانيه ~

اخر شي بلاشر

من زمااان عندي وللحين ماخلص و اذا متذكرين نزلت عنه ريفيو من اول ،، لونه صباحي مشمشي جاي ع بينك مافيه شيمر مره حلو لونه احيانا احطه بدون مكياج او شي يطلع طبيعي جدا ،، عيبه مايبين من اول مره لازم كذا طبقه حاولت ابين له سواتش ماوضح زين  ♡

ذي الصوره اللي نزلتها ف الانستقرام و مبين سواتشه اوضح ،، رقمه 5

الاسعار ما اتذكرها زين لان الاشياء من اول عندي بس وقت م اخذتها ماكانت تتعدى السبعين ريال للمنتج الواحد ~

بودرة الحواجب عشان اخذتها قريب سعرها 75 ريال

وشكرا ~ ♥