السلام عليكم ورحمة الله وبركاته
اكيد الاغلب منكم عارف انه باث اند بودي كل سنه يسوون تخفيضات توصل لحد 75% وتكون اسعارهم يابلاش وبالنسبه للسعر الاصلي
اول مره اروح له واشتري من عندهم بالنسبه لي بعض اسعارهم مبالغ فيها شوي والاشياء استهلاكيه الصوابين والاشياء ذي استعملها كثير وبخلصها بسرعه ف الافضل تستني لوقت التخفيضات وتروحي تاخذي ~
قبل اسبوع تقريبا بدأت التخفيضات ومارحت الا امس فرع فلامنجو مول > جده <وشفتو الصور ف الانستقرام كل شي مسحووه البنات قشو كل شي وخصوصا الشموع اللي رحت عشانها مابقي ولا شمعه >> مع اني حاولت ادور الفرع اللي قليل يجونه بس ماش مايخفى علينا شي وقت التخفيضات ههههه
شوفو هالصوره نزلتها بالانستقرام الارفف بحح مافيها ولاشي
ع العموم كان موجود عندهم صوابين اليد لوشنات ومعطرات الجسم والشاور جل والمعقمات والفواحات الكهربائيه << هذا الموجود من التخفيضات
اخذت صوابين اليد كذا نوع بعضها تجي فيها حبيبات خفيفه للتقشير وبعضها عادي صابون سائل برغوه ،،
اخذت الثلاثه ذولي اللي بحبيبات التقشير سعرها 10 ريال للواحد > قبل كان ب 35 < حسيتها احلى الروائح >> لان الباقي فواكه وليمون وخيار واببدا ما اطيق هالروائح
الصابون السائل حجمه اكبر شوي من اللي قبل سعره ب 15 ريال للواحد اخذت هالاثنين واحد بالرمان فاكهتي المفضله والثاني بالفراوله > اختيار امي ❤
هنا جل استحمام ما كان في روائح كثير واخذت هالثلاثه للتجربه سعر الواحد خمسه ريال
الفواحات الكهربائيه سعر الحامل حق الفواحه الواحد ب 15 ريال > سعره قبل 35 ريال < في منه الوان
زيوت الفواحه سعر الحبه خمسه ريال >> ندمت اني ماقشقشت منها بس يالله المره الجايه
واخيرا المعقم الجميل الكيوت اللي ريحته مره جميله ب 10 ريال وقبل كان ب 15 ريال
اتمنى عجبتكم مشترياتي ~ وشكرا ❤
ليست هناك تعليقات:
إرسال تعليق