السلام عليكم ورحمة الله وبركاته
تدوينة اليوم زي م وعدت اللي ف الانستقرام اني انزلها هي عباره عن كيف تسوين اضاءة التصوير (السوفت بوكس)
ف البدايه انا مالي اي علاقه بالتصوير كل همي ان الصوره تطلع واضحه وجميله
حسيت ببعض الصور ان اضاءة الغرفه ماتكفي لانها خفيفه والكل عارف اسعار السوفت بوكس يبغا لها ميزانيه ،،،
شفت هالطريقه بمنتدى وعجبتني جدا غير كذا ماهي مكلفه بالكثير 50 ريال مقارنه بسعر السوفت بوكس اللي تبدا من 500 !!
والسبب الثاني اللي خلاني اسوي هالاضاءه حسيت اختي تحب التصوير وتحتاج اضاءه ف قلت راح احاول ادعمها مبدأيا ...
طبعا مافي احلى من اضاءة الشمس مهما كانت نوع الكام اللي تصورين فيها بس الشمس لها وقت محدد ،، عشان كذا اهم شي ف التصوير الاضاءه << اتفلسف
ماعلينا نبدأ ف الخطوات :
نحتاج كرتون هدايا طماطم ... الخ
قصدير
شطرطون شفاف
غرا
لمبه مكتب او اي شي اهم حاجه لها سلك وفيش
نقلب البوكس ونحدد مكان عشان نسوي فيه فتحه للمبه
جيبي سكين قلم اي شي وابدأي احفري لين تفتح معاك و وسعيها شوي
قيسي اللمبه عليها
نغلف البوكس بالقصدير من الداخل >> انتبهي ماتركبين القصدير بالمقلوب الجهه اللي تلمع برا
نقص مكان فتحة اللمبه وندخلها
نثبته من ورا باللصق
نجرب نشغله
طيب اذا عندك كرتون مسطح او اي شي قوي شوي غلفيه بالقصدير بحيث يكون عاكس للاضاءه
تقريبا خلصنا بس نجيب قماش خفيف ابيض ونحطه ع الاضاءه من برا عشان ماتكون الاضاءه حاده وتتركز ع شي معين
وكذا انتهينا
مقارنه بين التصوير باضاءة الغرفه واضاءة السوفت بوكس بنفس الكام
اضاءة الغرفه
السوفت بوكس
وش احلى !!!
اتمنى يكون الشرح واضح وعجبكم ولاتنسون تشاركوني بتطبيقاتكم ف الانستقرام والتويتر والايميل و fmgirls >>kik
وشكرا ،،، ~
تسلميييييييييين
ردحذف